SECTIONS
Tuesday, July 16, 2019
SUPERBALITA CEBU

Poste di apilon: awhag sa Veco; Comelec molusad og operation Baklas

NAGSUGOD na og panangtang ang Revenue Protection sa Department sa Visayas Electric Company Inc. (Veco) sa campaign posters nga gipamutang sa ilang poste.

Kini tungod kay gidili usab kini base na usab sa Commission on Elections (Comelec) rules alang sa umaabot piniliay karong Mayo 13.

Mao nga awhag nila ngadto sa publiko, hilabi na ang mga kandidato ug mga supporters niini nga dili ipamutang ang campaign materials sa poste sa kuryente.

Ubos sa Comelec Resolution No. 10488 nga giluwatan niadto pang Enero nga ubos sa Republic Act 9006 o ang Fair Elections Act, nga naghatag og rules sa pagpangampanya ning election period.

Base sa Section 7 F sa maong Comelec Resolution gidili ang “to post or display or exhibit any election campaign or propaganda material outside of common poster areas, in public places, or in private properties without the consent of the owner thereof.”

Naghulagway usab kini nga ang mga poste sa kuryente nga naa sa pampubliko, gikonsiderar kini nga pampubliko nga dapit.

“Veco is appealing to the candidates and their supporters to heed the Comelec Resolution and keep our poles free from campaign materials,” matod ni Anton Mari G. Perdices, Veco EVP ug COO.

Dugang ni Perdices nga isip parte sa ilang maintenance ug safety, kinahanglan nga wala’y bisag unsa nga ibutang sa mga poste.

Niadtong Marso 23, dihang ang Revenue Protection Department sa VECO nga gipangulohan ni Engr. Ramonito Omboy, nagsugod og sa ilang pole clean-up drive sa Barangay Kasambagan.

Magpadayon pole clean-up drive, hangtod adunay campaign posters o materials ang ibutang sa poste sa Veco.

OPERATION BAKLAS

Samtang, ang Comelec molusad og hiniusang Operation Baklas batok sa mga election material nga gibutang sa dili hustong lugar.

Si Atty. Marchel Sarno, election officer sa Cebu City south district niingon nga ang tanang lungsod ug siyudad sa lalawigan sa Sugbo maoy manangtang sa election materials apan niining bahina pulos lang una mga kawani sa Comelec.

Sa dakbayan sa Sugbo, magsugod og langkat ang grupo ni Sarno karong hapon para sa mga tarpaulin nga oversize ug gibutang gawas sa common poster areas nga giila sa mga election officer.

“In the whole Province of Cebu, we will conduct a simultaneous operation baklas. Ang mga participant ani mga empleyado sa Comelec apan after ani, we will conduct another operation with the bigger force,” padayag ni Sarno sa Superbalita Cebu.

Iyang gibutyag nga human niini, molusad sila og laing operation baklas uban sa lainlaing ahensiya sa gobyerno sama sa DENR, DPWH, BFP, PNP ug Department of Education (DepEd).

Tumong sa Comelec nga mahatagan og patas nga pagtratar ang mga kandidato subay sa Fair Election Act ug ang labing dako nga poster aduna lay 2 ft x 3 ft.

Gipahibawo usa ni Sarno nga mahimo sab makatangtang ang mga ordinary citizen sa mga poster nga gawas sa common poster areas.

Apan kon didto gibutang sa lugar nga gitugot sa Comelec, dili makatangtang ang si bisan kinsa.

Mahimo silang mapriso og usa hangtod unom ka tuig sanglit usa ka election offense ang pagtangtang sa poster.

Giangkon sa election officer sa south district nga maglisod sila og limpyo sa election materials nga gibutang sa dili poster areas gumikan sa kakuwang sa ilang personnel hinungdan nga gikinahanglan nila ang suporta sa ubang mga agency.

Matod ni Sarno nga ang madalidai nila

makuha mao ang tarpaulin apan maglisod sila pagtangtang sa mga election material nga gipapilit sa bongbong, sin nga gikoral sa construction site ug uban pa.

Ang mga election material nga dili matangtang sa Comelec ilang padad-an og suwat ang pulitiko nga tag-iya aron sila maoy mokuha sa ilang tarpaulin sanglit gumikan sa kadaghan sa election materials, dili kini nila maato sa pagkuha. (HBL, PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph