SI DAVAO City Mayor Sara Duterte Carpio, sa iyang mensahe nga gibasa ni City Administrator Zuleika Lopez una ang official signing sa memorandum of agreement (MOA) sa 2019 Palarong Pambansa hosting uban ang Department of Education (DepEd) sa Davao City Hall kagahapon, Abril 8, nagsulti nga buhaton nila ang tanan to "give everyone a Palarong Pambansa they would never forget."
Si Duterte-Carpio wala sa MOA signing tungod anaa kini sa official business, sa iyang suwat pamahayag nga kasabutan tiunay nga nagselyo sa kasabutan tali Davao City Government ug DepEd.
"We have prepared long and hard for this opportunity. We recently hosted the regional qualifying Davao Region Athletic Association (Davraa) Meet for two years to ensure that we are ready in term of the logistics, manpower, training facilities, sports venues and other preparations necessary for hosting such a big event," sigun sa mayor.
Gidugang niya nga seguraduhon sab nilang mga ospital ug emergency medical services ang andam, uban ang mas maayong security team ug peace and order cluster nga mosiguro sa kaluwasan sa mga partisipante ug molantaw.
Nagpasalamat siya sa DepEd sa oportunidad nga mag-host sa Palaro, 69 ka tuig human ang uwahing paghost sa Bureau of Public Schools-Interscholastic Athletics Association Games (BPISAA) niadtong 1950, nga karon Palarong Pambansa.
Si DepEd Secretary Leonor Briones, sa iyang kabahin, ang masaligon nga ang Davao City mas malabwan pa ang saad gipasalig niini atol sa bidding process.
"This agreement seals what we have agreed upon. Hosting is crucial. Palaro won't happen without the host, if the host can't deliver what was promised in the bidding. I am confident that the city of Davao will fulfill its commitment and even more," ni Briones.
Dugang niya nga anaa sa 20,000 ka partisipante ug pamilya, coaches ug opisyal gilaumang moabot sa Palaro nga labing dako nga non-academic event sa DepEd.
Si Philippine Sports Commission (PSC) chairman William "Butch" Ramirez subling mipaabot sa suporta sa ahensiya ngadto sa Palaro.
"On behalf of my board, we are willing to support the Palaro being the only genuine grassroots sports program here. We are here to supported Deped and the city of Davao," sigun sa PSC chief.
Ang Palarong Pambansa himuon Abril 27 ngadto Mayo 4.
Ang Davao City-UP Sports Complex maoy host sa opening ug closing ceremonies, magsilbi sab kining venue sa archery, swimming, football volleyball.
Si Briones uban ang iyang undersecretaries ug assistant secretaries mi-inspeksiyon sa Davao City-UP Sports Complex kagahapon sa hapon.