MGA basketball personalities sa Sugbo ang mipahigayon og basketball clinic didto sa Bato, Leyte sugod kagahapon, Abril 9.
Inabagan sa local government unit (LGU) nga gipangulohan Mayor Bryan “Tata” Nile Gertos, Vice mayor Nathaniel Gertos, ang maong clinic pagadumalahon nila ni Roy Arnado, kanhi varsity ug Philippine Basketball League (PBL) player, Sandi Grumo ug Jigjig Lascuna nga pulos assistant coaches sa University of San Carlos (USC) Baby Warriors, ug mga sakop sa Jr. NBA coach.
Ang clinic nga salmotan sa mga bata nga may edad siete anyos pataas motapos hangtod karong Sabado, Abril 14.
Kini giabagan usab sa Association of Barangay Council (ABC) nga gipangulohan ni Marissa C. Gertos ug sa Sangguniang Kabataan (SK) Federation Mark “Makmak” Salvatiera. (PR)