MOKABAT sa 40 ka blocks nga gituohang cocaine ang napalgan sa kadagatan sa Burgos, Surigao del Norte mga alas 4:30 sa hapon niadtong Dominggo.
Ang Police Regional Office-Caraga nitaho nga ang bricks gipangputos og baling ug dunay mga marka nga sama sa nakuha niadtong Pebrero sa Barangay Pacifico, San Isidro, Siargao, Surigao del Norte.
Ang ilegal nga drugas itugyan ngadto sa provincial crime laboratory aron susihon, matod sa kapulisan.
Sukad niadtong Pebrero 10, ang Philippine National Police niingon nga sobra na sa 100 ka kilo nga cocaine ang nakaplagan sa kabaybayunan sa silangan sa nasod, labina sa mga lalawigan sa Aurora, Quezon, Camarines Norte ug Camarines Sur sa Luzon, ingon man sa Dinagat group of island sa Caraga, Davao Oriental, Surigao del Norte ug Surigao del Sur sa Mindanao. (Sunstar Philippines)