SECTIONS
Monday, September 16, 2019
SUPERBALITA CEBU

Resulta sa DNA test, uban pa sa kang Silawan, managlahi

PNP FINDINGS: Si Philippine National Police (PNP) medico legal officer Dr. Benjamin Lara mipresentar sa ilang findings sa paghiling sa lawas ni Christine Lee Silawan ngadto sa mga sakop sa media sa usa ka press conference sa Lunes sa buntag. Ang ilang nakita sa autopsy lahi sa nakita sa forensic pathologists sa Public Attorney's Office (PAO). (Amper Campaña)

RESULTA sa DNA test sa lawas ni Christine Lee Silawan nga linuog nga gipatay sa Siyudad sa Lapu-Lapu sa milabayng buwan negatibo sa duga sa laing tawo.

Hugot nga gibarugan sa medico legal officer sa PNP Crime Laboratory 7 nga ni-autopsy kang Christine Lee nga wa siya nakita nga samad sa kinatawo sa biktima.

Gipakita ni Police Lieutenant Colonel Doctor Benjamin Lara ang resulta sa DNA test nga gihimo sa Crime Laboratory sa kaulohan human kuhai sa mga sample sa iyang kinatawo si Christine Lee, ug ubang bahin sa iyang lawas.

Matod ni Lara nga nagnegatibo nga adunay laing fluids gikan sa usa ka lalake ang nakita sa DNA test, nga nagpasabot nga posibling wala malugos ang biktima.

Apan wa niya wad-a ang posibilidad nga kini nalugos sanglit mahimong nigamit og condom ang killer.

“We cannot totally rule out the possibility that she was raped because there are factors that may come into play na wala kang DNA. All I’m saying is that in my examination of the fresh cadaver, that there were no recent injuries noted on the genitalia,” matod ni Lara.

Si Lara ang unang mihimo sa autopsy sa lawas ni Christine Lee pipila ka oras human ni napalgi nga patay sa usa ka hawan nga lugar sa Barangay Bankal, Siyudad Lapu-lapu.

Iyang subling gibarugan nga wa siyay nakita nga bun-og o hematoma sa kinatawo niini gawas sa naayo na nga duha ka samad nga nahimutang sa posisyon nga 5 o’clock ug 8 o’clock.

Dugang ni Lara nga sa kadaghan na sa iyang na autopsy nga mga kaso sa pagpanglugos kasagaran aduna gyuy makita nga bag-ong samad o gitawag nga hematoma sa kinatawo, apan sa kaso ni Silawan wa siyay nakita.

Sukwahi kini sa nakita sa medico legal officer sa Public Attorney’s Office atol sa gihimong re autopsy niini usa ka adlaw sa wa pa gilubong niadtong Marso 22.

Lakip sa iyang gitug-an nga posibling wa mogamit og acid ang killer sa pagpanit sa nawong ni Silawan tungod kay wa masunog ang mata niini lakip na ang buhok nga maoy unang makita kon giyab-an kinig asido. “Yung mata makita nyo naman sa social media, intact na intact yung mata nya. Even the cornea was still present, yung cornea madaling ma sunog yan, madaling masira yan,” pasabot ni Lara.

Apan dako usab ang posibilidad nga nigamit og asido ang killer nga wa ma-damage ang mata ug buhok niini.

Wa usab siya makakita og marka sa liog ni Christine Lee nga magmatuod nga gituok sa wa pa patya.

Nakaangkon og 30 ka mga samad dinunggaban si Silawan, 20 niini sa lawas nga milapos sa likod, siyam sa duha ka mga bukton ug usa sa liog ug aduna pay dakong hiwa sa iyang walang palad.

Ang maong mga samad sa bukton, matod ni Lara, nagpasabot nga nanagang kini.

Wa siyay nakita nga lakra sa mga bukton nga kini gigapos sa dihang gihimo ang krimen sukwahi sa resulta sa medico legal officer sa PAO.

“Kung tinali siya, wala tayong nakitang ligature marks sa hands. I would just like to point out that the victim had nine defence wounds, stab wounds on different parts of the left and right extremity and incised wound on the palm of the left hand...Kasi kung nakatali, mahirap mag-struggle kung naka tali ka na,” dugang ni Lara.

Subli niyang gibarugan nga ang gikamatyan ni Christine Lee mao ang samad dinunggaban nga naangkon niini sa iyang lawas ug liog. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph