SECTIONS
Friday, September 20, 2019
SUPERBALITA CAGAYAN DE ORO

Todino: Kanser sa pangurakot

Pro Bono

PINAAGI sa Universal Health Care program, awtomatik nga mahimong miyembro sa Philhealth ang tanang Filipino -- nagpasabot lakip sila sa National Health Insurance program sa gobiyerno.

Busa, dili angay magpanuko moduol magpa-check o magpatambal ang si kinsa man tungod kay affordable ug masayon na ang batakang laboratory test. Giduso kining balaodnon nga Universal Health Care ni Senator JV Ejercito ug gipirmahan usab ni Presidenti Rodrigo Duterte.

Ang pangutana mao napundohan na ba sa gobiyerno ang mga government-owned hospital o nagahinan ba og budget ang maong programa?

Mag-unsa man ang kanindot sa programa kon walay pundo ipahilok aron mabenepisyohan unta ang katawhan.

Ning bag-o, nisaad si JV Ejercito nga magpatukod og special center sa Northern Mindanao Medical Center aron kadtong dunay mga sakit nagkinahanglan og mga spesyalista dili na moadto pa sa Manila.

Matod ni Ejercito dunay gigahin nga P337 milyones alang sa pagtukod sa center ug dugang P199 milyones aron ipalit og mga ekipo.

Pagkakaron gud, nasentro didto sa Manila kining lung center ug heart center. Gusto ni Ejercito nga matag rehiyon sa nasod dunay center alang sa mga tawo nga dunay komplikado nga mga sakit.

Nangugat pag-ayo si Ejercito nga hingusgan gyud niya molusot ang budget sa maong proyekto.

Tinuod, dugay ra kining maong panginahanglan, nabutang na unta kini sa plano ni kanhi Presidenti Marcos apan natiurok ang tanang programa sa healthcare tungod sa pagpalagpot niya.

Pasalamat ta nabanhaw kining programaha ubos sa administrasiyon ni Duterte.

Apan, nahibaw ta karon nga kon ang politiko o kandidato mosaad panahon sa eleksiyon kana kadudahan nga matuman.

Karong panahona, angay magma-igmat ang mga botanti, dili magpadala dayon sa hangyo sa mga kandidato.

Ang gusto nato mahibaw-an karong panahon sa kampaniya mao nga idiga unta sa mga kandidato ang ilang nahimo sa komunidad kay mao kana ang usa sa basihan nato nga tiunay bang moserbisyo siya.

Maayo kining pag-upgrade sa Northern Mindanao Medical Center, apan mas maayo gyud kon kaminusan kining sakit sa mga tawo, labi na kining sakit sa ubang opisyal sa gobiyerno nga dunay kanser sa pangurakot.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph