Mga kaso batok Emano, Elipe gibasura sa Ombudsman

NAKITA nga walay igong basihan, rason nga gibasura ang kasong malversation, grave abuse of authority, grave misconduct, nepotism ug kasupakan sa Republic Act 6713 o Code of Conduct and Ethical Standards for Public Officials and Employees batok kang Misamis Oriental Governor Bambi Emano ug Board Member Prexy Elipe.

Tuig 2016 nagpasaka sa maong kaso ang usa ka Ernesto Molina, taga Barangay 35, siyudad sa Cagayan de Oro, human kahinumduman gikwestyon sa konseho sa siyudad nga ang Misamis Oriental Integrated Sports Center (MOISC) gipanag-iyahan sa gobyerno ug daw dili kini pribado.

Gikan sa pag-manage ni Gerardo Sabal sa sports center ug kay midaog man kini sa pagka board member, gi-appoint ni Governor Emano ang iyang brother-in-law nga si Elipe nga mahimong MOISC manager.

Rason ni Molina sa iyang complaint nga iyang brother-in-law ni Emano si Elipe ug daw dili mahimong mag manage niini.

Apan sa pito ka pahina nga desisyon sa Ombudsman kon asa nigawas ang resulta adtong Hulyo 2018, apan ning bulan na sa Marso, hingpit nga niabot sa mga kamot ni Emano ug Elipe ang desisyon.

“As to anti-graft sa pundo nga gigamit nga public funds, there is no public funds here because not a single centavo was transferred from Provincial Government to the sports center so dili mokober ang anti-graft practices act,” pasabot ni Elipe atol sa press conference nga gipahigayon sulod sa Governor's office niadtong Lunes ug miingon nga kini ang rasun nganong gibasura ang kaso.

Wala na sab nag-file og motion ang complainant human migawas kini nga desisyon sa Ombudsman.

“We are very very thankful for that. Finally, matubag ang maong mga pangutana para makapadayon ang operation sa sports center and hoping it will already put to rest,” matud ni Elipe, kinsa kasamtangan nga nag-resign na sa iyang katungdanan human nga nahimong board member.

Political harassment

Sa iyang bahin ni Emano, gibutyag nga usa kini ka political harassment tungod ang nagpasaka nga si Molina usa ka job order sa City Hall ubos ni Mayor Oscar Moreno.

Sa pag-assume niya pagka gobernador, giingon niini walay kwarta sa panudlanan sa MOISC.

"Ang MOISC pag-assume nako as governor, walay kwarta diha. In fact, the entrance during that time is P30 kon mosulod ka sa oval, paglingkod nato atong gipaubsan og 50 percent karon. Ang MOISC dako kaayo og kwarta sa bangko,” matud niini.

Dugang niini nga ang pagpasaka og kaso kanila pagtabon lamang sab sa mga kasong giatubang karon ni Moreno.

“It's not only political. It was harassment sa ilang kampo ni Oscar Moreno batok kang Prexy Elipe pagpamasin malinla mahaylo ang tao nga dili lang siya ang daghan kaso naa pod kunohay mi kaso pero nadismiss sa buhatan sa Ombudsman,” matud niini ug mibahad nga mobalos sa pagpasaka og kaso batok kang Molina.

Naghunahuna karon ang kampo ni Emano nga mopasaka og kaso batok kang Molina sa pagpameke og dokumento ug pagpanghasi kanila.

Nagtuo usab si Emano nga pinugos lamang kini nga kaso.

Sa pagkakaron, ang MOISC gidumala usa ni Lyn Barros.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph