SI PHILIPPINE Sports Commission (PSC) chairman William "Butch" Ramirez nagkanayan kagahapon, Abril 9, nga ang Davao City-University of the Philippines (UP) sports complex swimming pool ang 85 percent ng kumpleto ug mahuman kini sa Abril 20, usa ka semana una ang 2019 Palarong Pambansa nga magbukas, Abril 27.
Si Ramirez uban si Department of Education (DepEd) Secretary Leonor Briones ug Davao City Government officials mi-inspeksiyun sa konstruksiyon sa Olympic-sized swimming pool, Lunes sa hapon.
"Sa among duha ni Secretary Briones, walay laing option na gamitong swimming pool sa Palaro, ang Davao City UP Sports Complex ra. Mabutangan na og tubig, touchpad og ubang mga gadgets... mahuman ang bleachers, mao nalang ni ang 15 percent nga kulang," ni Ramirez atol sa press conference kagahapon sa PSC Mindanao office sa Davao Association of Catholic Schools (Dacs) compound, Champaca Road, Juna Subdivision sa Matina, Davao City.
Niya, nagduha-duha si Briones nga mobiya sa siyudad tungod buot niini nga makitang makumpleto na gyud ang swimming pool.
Apan gipasalig ni Ramirez nga matapos kini ug siya ang magpabilin.
Ang PSC midonar og sobra P100 million alang sa ikaduhang hugna sa konstruksiyon sa Davao City-UP Sports Complex.
Ang materyales nga gipasalig sa PSC, suma ni Ramirez, ang andam na.
"Ginapaspasan naman trabaho sila 7:30 a.m. then break 10 a.m. to 2 p.m. then resume until 6 p.m. kay naa may suga ngadto," ni Ramirez.
Dugang sa ospiyal nga ang PSC mopadala sab og orthopedic doctors, physiologists ug physio therapists atol sa paghost sa siyudad sa Palaro.
"This is the kind of partnership na wala sa una. Dili pwede nga host, PSC or Deped lang. Inter-agency partnership man gud dapat ni," matud ni Ramirez.