GILAYONG nagpa-blotter sa kapulisan sa Sta. Ana Police Station ang usa ka 31-anyos nga babaye human kalit lamang nag-jakol sa iyang atubangan ang iyang ka-eyebol nga biyudong lalaki.
Ang reklamante giila lamang nga si Maricel, 31, negusyante ug residente sa Banahaw Road, Central Park Subdivision, Bangkal, Davao City samtang ang biyudo mao si Roger, 43, kinsa taga Central Park usab.
Subay sa blotter sa Sta. Ana police, giingong midayo si Roger sa gitindahan ni Maricel didto sa usa ka karaan nga mall sa Bajada, Davao City, ug nagka-istoryahanay silang duha sa unang higayon sa personal.
Giingong nakaila lamang sa babaye ang biyudo pinaagi sa Facebook, diin nahukman nila nga mag-eyebol.
Dihang nagkita na sila sa miaging adlaw, namulong ang biyudo nga natala sa blotter sa pulis, "Ako wala naman gyo'y asawa, kabalo man gyud ka ana. Naga-ampo pod ko nga tagaan ko'g babaye sa Ginoo. Kabalo ka ga-masturbate nalang ko permi aron likay sa prostate."
Samtang namulong si Roger, hinay-hinay sab kini nga mikuot sa iyang kinatawo, diin iya kining kalit nga gipagawas, ug gi-masturbate atubangan kang Maricel.
Sa kakurat ni Maricel, misiyagit kini ug nangayo'g pakitabang, hinungdan nga daling nakasibat si Roger.
Gipanubayan na sa kapulisan ang maong hitabo, aron masikop ang suspek ug patubagon sa iyang binastos nga gihimo sud sa usa ka mall.