PIPILA sa mga sakop sa Philippine Veterans Affairs Office (PVAO) sa Sugbo nagtinguha nga makunhuran gikan sa 65 anyos ngadto sa 60 anyos ang pangidaron sa mamahimo na nga sakop sa PVAO.
Samtang pipila ka mga libre nga health check-up gihatag kanila ning Veterans’ Week, atol sa Martes, Abril 9, atol sa paghandom sa ika-77th nga Araw ng Kagitingan.
Sa kada tuig nga paghandom, usa sa dili mahikalimtan niini mao ang mga tawo nga nihatag sa halos tibuok nila nga kinabuhi pagpangalagad alang sa nasud ug mga Pilipino.
Kini pinaagi sa pagpaningkamot nga mapatuman ang kahapsay ug kalinaw, sa tabang sa mga pulis, sundalo, coastguard, jail officer, mga bombero ug uban pa.
Hinungdan nga sa tibuok nasud ning tuiga, sugod niadtong Abril 5 hangtud sa Abril 11, mao ang pagsaulog sa Veterans’ week, nga gipasiugdahan sa PVAO.
Atol sa paghandum sa Araw ng kagitingan, gihimug-atan ang kabilihon sa mga natampo sa mga beterano.
Usa sa ilang mga yangungo nga di na magpaabot pa og 65 anyos una mamahimo nga masakop sa PVAO ug makapahimus sa daghan nga mga benipisyo.
Ang matag asosasyon sa mga beterano moduso sa ilang draft resolution aron mapasa ngadto sa kongreso.
“Gi-suggest ug gi-request gyud nato, to lower the age from 65 to 60, because there is a survey that life expectancy sa mga senior citizen, 68 years na lang daw. So, paano pa natin magamit yang mga pension natin?”, asoy ni Ret. Lt. Mario Marasigan, usa sa gatusan ka sakop sa Veterans Federation of the Philippines (VFP).
Samtang lakip sa kalihukan sa veterans’ week ang paghatag bili sa mga surviving spouse, ang status sa mga panlawas, hinungdan nga adunay mga libreng pa-check-up sama sa prostate, hearing screening ug uban pa. (FMD)