ANG Association of Barangay Council (ABC) moapud-apod sa P12.5 milyones nga Barrio Fund pinaagi sa proyekto ngadto 80 ka mga barangay sa dakbayan sa Sugbo.
Sa niaging regular session, ang city council mga gidemonenaran mga konsehal nga kaalyado sa administrasyon ni-aproba sa resolution ni Konsehal Franklyn Ong nga nagbalhin sa trust fund/barrio fund gikan sa Cebu City Government ngadto sa ABC.
Sa wa pa niduso og resolution si Ong sa konseho, ang ABC nga iyang gipangulohan nipalabang usab og resolution ug nilagda og manifesto isip timaan sa ilang pag-ayuda.
Sa 80 ka barangay kapitan, 49 kanila ang nipirma samtang ang 31 ka kapitan wala mo-pirma sa gihimong resolution sa ABC.
Apan si Ong miingon nga adunay sama nga kantidad sa proyekto nga madawat ang matag barangay.
Ang paghatag sa proyekto wala magbase sa gidak-on sa populasyon, pasabot ni Ong.
Ang P12.5 milyones mga kwarta gikan sa Internal Revenue Allotment sa barangay apan gikunhoran og diyutay nga percentage para sa trust fund nga nagsugod pipila na ka dekada ang nakalabay ug wala pa maumol ang ABC.
Plano ni Ong mao ang paghatag og computer sets, motorcycle, tent ug portable sound system nga dako og ikatabang sa inadlaw-adlaw nga operasyon sa barangay.
Ipasusi pa ni Ong kon ang pagpa-bidding sa maong proyekto gumikan sa election ban aron usab mapahimuslan na sa mga barangay.
Samtang ang ABC nihatag og tag 30 ka monoblock chairs ngadto sa 80 ka barangay kansang pundo gikan sa pribadong sector. (PAC)