Prime suspect sa Silawan murder case, ipresentar sa Huwebes: Albayalde

CEBU. Gibutyag ni Philippine National Police (PNP) Chief Police Director General Oscar Albayalde nga ilang ipresentar sa publiko ang bag-ong nasikop nga suspetsado sa pagpatay ni Christine Lee Silawan. Sigon ni Albayalde nga dili pa nila makonsider nga solbad na ang pagpatay ni Silawan hangtud nga mapasakaan na nila ang kaso batok sa maong suspetsado sa korte. (Hulagway gikan nila ni FMD ug AYB)
CEBU. Gibutyag ni Philippine National Police (PNP) Chief Police Director General Oscar Albayalde nga ilang ipresentar sa publiko ang bag-ong nasikop nga suspetsado sa pagpatay ni Christine Lee Silawan. Sigon ni Albayalde nga dili pa nila makonsider nga solbad na ang pagpatay ni Silawan hangtud nga mapasakaan na nila ang kaso batok sa maong suspetsado sa korte. (Hulagway gikan nila ni FMD ug AYB)

TAGBILARAN CITY, BOHOL--Wala pa gi konsidera ni Philippine National Police (PNP) Chief Police Director General Oscar Albayalde nga sulbad na ang kasong pagpatay ni Christine Lee Silawan bisan sa pagka sikop na sa usa sa mga suspek sa iyang kamatayon tungod kay wala pa kini mapasakai ug kaso.

Nagtuo siya nga aduna pay kalamboan sa gihimong ocular inspection sa Lapu-Lapu City Police Office (LLCPO) uban ang suspek sa dapit diin niya gipatay ang biktima ug asa niya gilabay ang mga gamit niini.

Mangunay si Police General Albayalde sa pag presentar sa media sa suspek karung Huwebes, Abril 11 sa buhatan sa Police Regional Office 7 aron ipahibawo unsa nga mga ebedensya ang ilang nakuha nga mag tumbok sa suspek nga mao gyud ang nagpatay ni Silawan.

Makig alayon usab sila sa National Bureau of Investigation 7 aron dili sila magka sumpaki sa ilang mga ebedensya una nila ibutyag sa publiko.

"We will investigate thoroughly that (obsession motive), the public can expect that. The public can expect that we will investigate that and we will make sure that whoever yung nakuha natin siya talaga yung totoo kaya we dont want to present kaagad nakuha natin we have to wait for the follow-up (operation) conducted and the one from SOCO (Scene of the Crime Operatives)," matod ni Albayalde.

Samtang, kasong kalapasan sa Comelec gun ban ang gipasaka sa 43-anyos nga lalaki nga gilambigit karon sa kamatayon ni Silawan, human kini usab ang giingon nga nikompisal nga siya ang brutal nga nipatay sa dalaga.

Nagdumili una si Lapu-Lapu City Prosecutor Ruso Zaragosa sa paghingalan sa suspetsado, human iyang gihulagway nga kontrobersyal ang gikalambigitan niini nga kaso, bisan kon kalapasan sa Comelec gun ban lang ang giasaka sa kapulisan sa City Intelligence Branch sa LLCPO.

Matud ni Zaragosa nga anaa na sa kapulisan ang paghingalan sa suspetsado. (with FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph