SECTIONS
Tuesday, September 17, 2019
SUPERBALITA CEBU

Suspek sa pagpatay sa 14-anyos sa Danao, gipangita sa PRO 7

CEBU. Nimando na si Police Regional Office 7 director Brigadier Gen. Debold Sinas (wala nga hulagway) nga mupadala ug tracker team sa siyudad sa Danao para mogukod sa prime suspect sa kamatayon ni Tesa Marie Ygay (too nga hulagway). Si Ygay, 14-anyos, gidunggab sa makadaghang higayon sa wala pa gilabay sa septic tank luyo sa Cogon Cruz Integrated School. Gipangita karun si Jessie Montes Medequillo nga gitumbok nga maoy prime suspect sa pagpatay ni Ygay. (SunStar file photo)

NAGPADALA nag "Tracker Team" ang Police Regional Office 7 sa siyudad sa Danao aron mogukod sa prime suspect sa kamatayon ni Tesa Marie Ygay sa Barangay Cogon Cruz niadtong miaging adlaw.

Ang naglangkob sa tracker team mao ang Regional Intelligence Division, Cebu Provincial Police Office ug ang Danao City Police Station.

Matod ni Police Brigadier General Debold Sinas, hepe sa PRO 7, nga ila nang gi-publikar ang panagway ni Jessie Montes Medequillo aron matabangan sa publiko ang pagpangita niini.

Wala sila mo kompyansa sanglit gi konsidera nila si Medequillo nga armed and dangerous tungod kay usa kini ka gwardya.

Pahimangno niya sa publiko nga kung ila kining makita mahimong mo taho sa labing duol nga police station ug dili ikomprontase ang suspek tungod sa posibilidad nga mosukol kini nga mahimong ika peligro sa ilang kinabuhi.

Tanang lugar sa siyudad sa Danao nga mahimong iyang gitagoan gi-monitor na sa tracker team aron masikop kini sa labing dali nga panahon.

Mimando si Sinas sa hepe sa Danao City Police Station nga kung aduna na silay ebidensya, mahimong ipasaka na kini ang kaso sa korte.

Ang mga dugo nga nakuha sa guard house ug ang giingong kutsilyo nga posibling gigamit sa pagpatay gipaubos na sa DNA test sa Philippine National Police (PNP) Crime Laboratory.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph