HUMAN nga gitumbok ni Mayor Oscar Moreno si Jose Gabriel “Pompee” La Viña nga maoy nagpaluyo sa bag-ong isyu nga lakip kini sa pinakaadunahan sa nasud gitubag kini sa iyang kampo.
Gibutyag ni Moreno nga walay lain nga nagpaluyo sa maong peke nga balita kundili si La Viña.
Sa pakighinabi usab sa kampo ni La Viña gibutyag ni Nicole Managbanag, media officer, nga iyang gikasubo ang kanunay nga pagpasangil ug pagtawag niini og “pomfake.”
Matud ni Managbanag nga dili na kinahanglan nga maghimo og fake news si La Viña tungod bokal man kini atubangan ni Moreno ug sa katawhan sa Cagayan de Oro.
Dugang ni Managbanag nga ang mga gibutyag ni La Viña dunay mga basehan ug duna kini gihuptan nga mga dokumento.
Kahinumduman nga kanunay gitawag ni La Viña si Moreno og kawatan.