PADAYONG gi-aghat sa kasundalohan ang mga rebeldeng grupo nga mokanaug na lamang ug mosuporta sa gobiyerno aron nga makab-ot na ang tinuod nga kalinaw dili lamang sa Mindanao apan sa tibuok nasud.
Atol sa paghandom sa ika-77 Araw ng Kagitingan gi-aghat ni Brigadier General Tyne Bañas, Assistant Division Commander sa 4th Infantry Division, ang mga rebeldeng grupo sa pagbalik na sa gobiyerno.
Matud ni Bañas nga sukad namugna ang Communist Party of the Philippines ug New Peoples’ Army wala kini maayong nahimo gawas lamang sa kadautan.
“Walay kagitingan sa ilang paglihok kay kadaotan ilang paglihok, sa 50 years nila in existence puro kadautan ang ilang gihimo walay paglambo,” matud ni Bañas.