HUGOT nga nagbantay ang kasundalohan sa dapit diin anaa ang mga presensiya sa walhong grupo ning nagkaduol nga eleksiyon karong umaabot nga Mayo 13.
Aminado si Brigadier General Tyne Bañas, assistant division commander sa 4th Infantry Division, nga padayon ang mga pagsamok-samok sa Communist Party of the Philippines ug New Peoples’ Army (NPA).
Matud ni Bañas nga padayon usab ang ilang pag-atubang sa hagit niining walhong grupo kinsa ang tumong mao ang kagubot.
Gidugang pa usab nga hugot ang ilang pagbantay tungod kay kung mapakita sa katawhan ang demokrasiya mao kini ang makapahuyang sa mga rebeldeng grupo.
“Ang election mao na ang ilang gikahadlokan kay kung maayo ang atoang eleksiyon ma-demonstrate nato ang demokrasiya, mapalig-on nato ang atong nasud mao na nagapahinay, nagapaluya sa NPA ang pagpakusog ang demokrasiya,” dugang niini.