SUPERBALITA CAGAYAN DE ORO

Makabayan bloc gideklarang persona non grata

WALAY makapugong sa Makabayan bloc bisan sa kampanya nga dili pabotaran tungod kay giingong sakop kini sa Communist Party of the Philippines, New Peoples’ Army ug National Democratic Front (CPP-NPA-NDF).

Gideklarang persona non grata sa tibuok Munisipyo sa Tagbina, Surigao del Sur ang komunistang grupo ug 11 ka laing organisasiyon nga mao ang Kahugpungan sa Mag-uuma sa Surigao Sur, Alliance of Concern Teachers, Karapatan, Anakpawis, Anakbayan, Bayan Muna, Gabriela, League of Filipino Students, Rural Missionary of the Philippines, Bagong Alyansang Makabayan, ug Kilusang Magbubukid ng Pilipinas.

Atol sa press conference sa Makabayan bloc niadtong Martes, Abril 9, gibutyag ni Bayan Muna party list Representative Carlos Isagani Zarate naglisud sila pagpangampanya labina sa Mindanao tungod kay gidid-an sila pagsulod, labina sa Davao Region ug ubang dapit nga anaa ang mga headquarters sa kasundalohan tungod usab sa martial law.

“Sa Davao Region, grabe ang pagpangampanya nga boycott,” matud ni Zarate.

Gidugang pa niini nga daghan ang nahimo sa Bayan Muna party list sama na lang sa P2,000 nga dugang sa pensiyon sa Social Security System, libre nga matrikula ug libreng irigasiyon, TRO sa dugang nga singil sa Meralco, tax exemption sa mga anaa lamang sa minimum wage, bayad-pinsala sa mga nabiktima sa batas military, napugngan ang pagtaas sa singil sa tubig ug free mobile disaster alerts.

Nasayran usab nga nagkatag sa socal media ang listahan diin lakip niini ang pipila ka miyembro sa Makabayan bloc sama sa Bayan Muna, Anak bayan, Anak Pawis, Gabriela, Kabataan, Piston, Kadamay, Katribu, Migrante, Magsasaka, Kalikasan, League of Filipino Students, Kilusang Mayo Uno, Kilusang Magbubukid ng Pilipinas, Kalumihan, Pasaka, Partido Manggagawa, Aksyon Health Workers, People’s Surge, Acts Teachers, Courage, Karapatan, Alyansa ng Maralitang Pilipino nga dili pabotaran tungod na usab kay mga komunista matud kini nga grupo nga miyembro sa CPP-NPA-NDF.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph