GIKLARO ni kanhi special assistant to the President Christopher “Bong” Go nga usa ang problema sa druga ang naghatag og kalisud sa nasud sa Pilipinas.
Atol sa 2019 Campaign Caravan sa Gingoog City diin kauban niini ang laing mga magpapiling senador, gibutyag kini nga nanganti si Presidente Rodrigo Duterte nga tapuson ang giyera kontra druga hangtod sa pagtapos sa termino niini.
“In the next three years ng administrasyon ni Presidente Duterte, sinabi niya na tatapusin niya ang druga if not to the fairest minimum po,” matud niini.
Dugang ni Go nga suportado niya ang lakang ni Duterte tungod dili tiaw ang epekto sa druga sa pamilya ug katawhan sa nasod.
Nipasalig usab kini nga puhagon ang uban pang mga anomaliya sa nasod.
“Maliban sa illegal na druga, kampanya laban sa korapsyon, kampanya sa mga kriminal at kasama ko si Pangulong Duterte diyan,” dugang ni Go kinsa nangandoy mahimong senador sa nasod karong umaabot piliay Mayo 2019.
Kahinumduman nga nagpadayon karon ang hugot nga kampanya sa kapulisan batok sa iligal nga druga.