ANG Philippine Sports Commission (PSC) mipaambit sa ilang dakong suporta sa 7th Tabanog Festival 2019 karong Mayo 9 ngadto 11 sa Sulop, Davao del Sur.
Si organizer Zaldy Garrote, sa press conference, Martes sa PSC Mindanao Office saJuna Subdivision sa Matina, Davao City, nagsulti, “First time namo mag-link with PSC dako among pasalamat.”
Suma niya nga ang kitemaking workshop himuon sab, Mayo 9 gikan alas 8 a.m. ngadto 11:30 a.m. dayon isunod ang Dulang Kabilin (Heritage Games) sa 1 p.m. ngadto 5 p.m. sa Sulop Central School samtang ang Paaway sa Tabanog masaksihan, alas dose sa udto ngadto alas singko sa hapon, Mayo 10.
Ang thematic kite flying contest, nga mag-feature sa mga artoon characters, masaksihan sab sa Mayo 11.
Si Garrote giubanan ni SK chairman Mark Gallardo ug Engr. Richard Regidor sa PSC Mindanao office.
“Duna pud miy himuong coastal Children’s Games sa Hagonoy, Padada og Sulop pero sports and environment ang among konsepto. I-instill namo sa mga bata ang pagpananum og pag nurture sa mangrove. Available man ang seedlings na magamit.”
Ang coastal Children’s Games himuon sa ikatulong semana sa Mayo.
Si PSC Mindanao head Ed Fernandez sa iyang kabahin, nga ang pag-atiman sa kinaiyahan angay magsugod sa kabataan.
“PSC is supporting the Tabanog Festival and the coastal Children’s Games in Davao del Sur as its been the mandate of the agency to bring sports to the periphery. It’s good to start with our children not just in sports but also in taking good care of our environment,” ni Fernandez.
Mihatag sab siya og kasiguruhan ngadto sa stakeholders, dungan sa pagsulting, “We will make sports so alive in Mindanao.”