DEAR Noy Kulas,
Ako si Andi, taga Cebu pero naa na ko abroad nagpuyo uban ang akong pamilya.
Instead maayo ang among relationship momaayo, gubot na man hinuon kay ang akong bana himarkada kaayo. Magsige lang sila og laag sa iyang mga barkada kon way trabaho. Instead nga naa siya uban namo, molaag siya mao pirme siyang wala sa balay. Nahimo na hinuon namo ni nga pirmeng away, pero instead mausab siya, wa ko paminawa. Lahi siya sa akong kauban sa trabaho nga single man unta, pero naa ra pirme sa iyang family during his dayoff.
Ako na siyang gihatagan og ultimatum, apan wa siya maminaw. Bisan ako na siyang gipasabot nga ang akong tuyo sa among pag-ari o pag-apas mao nga mahiusa na mi. Pero ang nahitabo karon absent siya pirme sa balay kon wa siyay work.
Unsa may akong buhaton, Noy Kulas? Sakto ba ni iyang gibuhat? Stress reliever kuno ang iyang mga laag uban sa iyang mga barkada. Sakto kaha ni? Nagplano kong manguli na lang mi sa Pilipinas sa mga bata aron wa nay gubot, bahala na siya sa iyang kinabuhi diri. Please tambagi ko.
ANDI
Andi,
Mao bitaw nay sakit sa ubang mga lalake nga nasobraan ang pagka bata-bataon. Bisan dako nag edad, ang mentalidad maora gihapon og batan-on, ulitawo. Daghan pang mga lalake nga ingon niana bisan naa diri sa atoa. Ang angay gyud unta ana mao nga bahinon ang panahon alang sa pamilya ug lingawlingaw. Mao na ang ideal nga buhaton sa usa ka bana o amahan ngadto sa iyang pamilya. Wa magpasabot nga di na lang sab maglingawlingaw.
Sakto ka, butangi og ultimatum. Kon di siya mag-usab, okay rang manguli mo sa Pilipinas. Ipakita niya nga you mean business aron mahadlok siya. Lisod baya pud nga anha mo diha pero wa siya kanunay sa balay. Tabla rag wa mo diha. Bati ra ba ang environment sa mga bata nga way father figure tungod kay ang amahan dunay dakong papel sa ilang pagtubo and this is supported by studies. Ang nakalisod pa kay lahi baya ang kultura diha.
Kon sa imong tan-aw mas makaayo eventually ang pag-uli aron mas malikayan pa ang inyong panag-away ug magdaku sa atong kultura ang mga bata, buhata ni. Ikaw ang inahan ug asawa, naa kay capability sa pag-decide. But inform sa both families sa imong pagahimuon nga desisyon.
NOY KULAS