Kapitolyo mohatag og P50,000 sa pamilyang Ygay

GIKONDINAR sa kagamhanan sa lalawigan sa Sugbo ang kamatayon sa 14 anyos nga si Tesa Marie Ygay sa giingong usa ka gwardya sa usa ka tunghaan sa dakbayan sa Danao nga napalgan sud sa usa ka septic tank niadtong Lunes, Abril 8.

Ang Kapitolyo pinaagi sa Provincial Council for the Welfare of Children (PCWC) mohatag og P50,000 nga tabang pinansiyal ngadto sa pamilya sa biktima. Si Bise Gobernador Agnes Magpale nipasalig sa lokal nga kapulisan sa Danao sa suporta nga itunol sa provincial government sa imbestigasyon ug kasulbaran sa kaso.

“We are deeply disturbed and saddened by Tesa’s ruthless and senseless death who would have had a promising and bright future,” dugang sa bise gobernador, co-chair sa PCWC.

Sa pagkutlo ning balita, gipangita sa mga sakop sa Danao City Police Station ang gwardya nga si Jessie Montes Mediquillo nga gipasanginlan nga maoy nipatay ni Ygay ug nilabay niini sud sa septic tank sa Cogon Cruz Integrated School.

Siya nihangyo sa posibleng mga testigo nga mopatim-aw ug motabang sa kapulisan sa pagsulbad sa krimen. “We echo the request of the Danao City Police force to those who can provide leads or information on the whereabouts of the perpetrators. Let us all help in resolving this heinous crime by bringing the guilty ones to justice,” dugang ni Magpale. (SCG)