NAGTINGUHA si Yaw-Yan Ardigma Cebu founder Master Benigno ‘Ekin’ Caniga Jr. nga mas palambuon pa ang grassroots program sa combat sports dinhi sa Sugbo.
Niini, iyang giawhag ug gidasig ang mga batan-on sa pagparehistro sa nagpadayong Yaw-Yan Summer Clinic sa headquarters niiini nga nahimutang sa fourth floor sa Coast Pacific Downtown Center sa dalan Sanciangko.
“Naka-form nata og Muay Thai Team Cebu City nga ang members niini mga produkto sa atong summer clinic. Ang ato gyud nga goal nga maka-discover pa ta og potential fighters dili lang sa kickboxing kon dili hasta sa mixed martial arts, grappling ug arnis,” matod ni Master Ekin.
“Bakasyon man ang mga bata karon, I hope nga daghan pa ang mangapil sa atong grassroots program,” dugang ni Master Ekin.
Alang sa interesadong magparehistro, mahimong mobisita sa Yaw-Yan gym o motawag sa 0943-6568900. (ESL)