21st Motocross Cup sa San Remegio

ANG pagpahanas sa talento sa mga batan-on maoy katuyo-an sa dihang ipahigayon ang MS Motosuit 21st Calambua Motocross Cup karong Abril 14 sa Calambua Circuit sa San Remigio, norting bahin sa probinsiya sa Sugbo.

Si Lou Ornopia, ang chief organizer, mipasabot nga iyang naobserbahan nga sagad sa mga batan-ong partisipante ning maong kompetisyon maoy manghawod sa mga national nga panagtigi.

“Bintaha man gud nga magsugod sila bata pa, hangtod nga mabaid na sila og maayo. Mao ni ilang kaugmaon sa maong sport,” matod ni Ornopia atol sa Scoop-Cebu Forum sa Cebu City Sports Center kagahapon.

Gibanabana nga moabot sa 100 ngadto sa 150 ka mga entrante gikan sa nagkalainlaing bahin sa nasod ang magtigi sa kompetisyon.

Ang mga participants gibahin ngadto sa pro open, expert, peewee 50 cc and 65cc ug mini 85cc, beginners, local enduro, open enduro, executive A, B ug C, novice, ug intermediate nga mga kategoriya.

Mga inilang riders ang mopakita usab og aksiyon sama nila ni John Flores, kinsa sakop sa A Mindanao-Motocross Performers sa Pilipinas Got Talent Season 5, ang mga elite riders nga sila si Jon-Jon Adlawan, Venil Abellar ug BJ Pepito. (RSC, JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph