NAWAGTANGAN og usa ka potensiyal nga runner Pilipinas karon.
Kini human nga mipanaw kagahapon ang giilang marathon king nga si Rafael Poliquit Jr. sa Tagum City human kini ma coma sulod sa hospital.
Siya unta ang morepresentar sa nasod sa ika-30 nga edisyon sa Southeast Asian (SEA) Games uban sa Olympian nga si Mary Joy Tabal.
Si Poliquit ug si Tabal maoy mipatugbabaw sa 42nd Milo Marathon National Finals nga gipahigayon sa Disyembre sa niaging tuig didto sa Marcos Stadium didto sa Laoag City, Ilocos Norte. Ang ilang kadaugan maoy naghatag kanila og tiket nga morepresentar sa nasod sa SEA Games nga ipahigayon sa Manila. (JBM)