Hotshots-Painters semis sugdan karon

JAMES Yap batok Paul Lee maoy mahimong sentro sa atraksiyon sa dihang sugdan na sa alas siete ang takna karong gabii ang best-of-seven semifinals series tali sa Magnolia Hotshots ug Rain or Shine Elasto Painters sa PBA All-Filipino Conference sa Smart Araneta Coliseum.

Kon kasaysayan ang hisgutan, ang Rain or Shine ug Magnolia Hotshots gihulagway nga adunay higpit ug kulbahinam nga panag-engkuwentro nga gianinuhan sa panagbaylo sa beteranong shooter nga si James Yap, kanhi pambato sa Hotshots, ug Lee, ang kanhi usab leading scorer sa Elasto Painters.

Mosulod sa korte karong gabii ang Elaston Painters, ang no. 2 seed human sa elimination round, nga sakto sa pahuway sanglit dul-an sa usa ka buwan na kini nga wala makaduwa samtang nagpaabot sa ilang makontra sa semis.

Sa ilang bahin, ang Magnolia lab-as pa sa ilang kadaugan playoffs series batok sa Ginebra nga niabot sa Game 3. Hinuon, ang momentum sa ilang lima ka daog sa uwahing unom nila ka mga duwa ang naghatag kanila sa momentum. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph