SUPERBALITA CEBU

Kyaw-Kyaw: Ang puhonan ni Manoy

KATAW-anan, hilas, luod, oki ra ug uban pa ang reaksyon sa madlang pipol sa sentro sa kukabildo ning mga adlawa - Ang puhonan ni Manoy.

Una niini ang video scandal ni Jim Paredes.

Wa magdugay, gisundan kini sa pakigpulong sa halangdong Presidente nga nisimang ngadto sa paghisgot sa ubos nga bahin sa iyang lawas.

May nahinaway, may niisa sa kilay, may nihuyhoy ang abaga ug may nipahiyom lang.

Naunsa na man ang mga tawo ug ang kalibutan karon? Dinala ba kini sa kainit sa El Nino? Ambot lang!

Unsa na sab kaha ang mosunod? Kinsa na sab ang ‘bida’? Atangi!

•••

Mapasigarbohong gipahibalo gikan sa kampo ni Ma’am Rose Gaisano nga si Hashtag Maru Delgado ang ilang celebrity guest atol sa katapusang bola sa A Million Thanks raffle promo sa Abril 27.

Anha kini himuon sa parking area sa Gaisano Country Mall.

Aron mas modako ang kahigayonan nga modaug sa Mazda3 ug uban pang dagkong premyo, pangompra atol sa Summer Sale sa Gaisano Main, Country Mall ug mga branches sa Bogo, Balamban ug Moalboal nga ipahigayon sa Abril 14-21 kay mas daghan ang inyong mapalit tungod sa dagkong diskwento.

•••

Abi nakog ang Darna ang unang atimanon sa Star Cinema human niatras si Liza Soberano.

Ang wala mahibaw-i sa kadaghanan mao nga ang pelikula ni Alden Richards ug Kathryn Bernardo kasamtangan na diayng gigaling didto sa Hong Kong matud sa usa ka kasaligang tinubdan. A, oki.

Mentras tanto, tan-awon nato kon kinsa ang nindot ipuli ni Liza isip Darna. Gisugyot sila si Nadine Lustre, Kathryn Bernardo, Sarah Geronimo, Yassi Pressman, Jessy Mendiola ug Pia Wurtzbach.

Ang akong bet: Maja Salvador. Sa pamarog ug panagway, dili dehado. Pilipina kaayo.

Nakapakita na si Maja og mga nindot nga senyales sa iyang teleserye kanhi nga Wildflower isip Ivy Aguas. Atong hulaton kinsa gyud ang pili-on sa Star Cinema.

•••

Kinsa gani to ang gisulti ni Tom Rodriguez nga nihulagway ni Janine Gutierrez nga lisod pangil-aron ang dagway sa teleserye sa GMA 7 nga “Dragon Lady”? Tinuod gyud baya kay bisan pa nga gibutangan og prosthetics ang nawong ni Janine aron mongil-ad ug mo-isog, gwapa man lang gihapon.

Ambot kon makadugang o makakunhod ba kini sa puntos sa usa ka artista. Katuho-an sab hinuon tan-awon kadtong nangisog na si Janine ug iyang gibugwakan og kalayo ang nisaway ug nanghimaraot niya.

Lahi nga putahe sa hapon ang “Dragon Lady”.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!