17 nasud mosalmot

ANG organizers nagkanayon nga “more friendly route” ang subayon sa mga survivors sa 3rd Mt. Apo Sky and Vertical Race sa Sta. Cruz, Davao del Sur.

Si Sta. Cruz senior tourism officer Julius Paner, atol sa Davao Sportswriters Association (DSA) Forum sa The Annex sa SM City Davao, nagsulti, “We expect higher percentage of those who will finish the 100-kilometer race. Last 2017, we had 70 percent survivors and there were more finishers last year.”

Ang course nga magsugod sa resort sa Darong nga tungason gikan sa 25 kilometros ug sobra pa padung sa Mt. Apo ug balik sa gigikanan.

Dugang niya may tulo ka gibutang nga exit points sa Sibulan sa Sta. Cruz, Tibuloy sa Davao City ug Kapatagan sa Digos City kung ang partisipante makadesidar nga moundang samtang anaa sa tunga-tunga sa lumba.

“Ang iba they just want to go to the peak kaya sila sumasali. Mt. Apo is very attractive, binabalik-balikan talaga,” dugang niya.

Si Race director Doi Calbes, sa iyang parte, nagsulti nga nakakuha sila og special permit gikan Department of Environment and Natural Resources (DENR) alang sa usa ka adlaw nga aktibidad, hilabi na nga may temporary closure sa trail sa Mt. Apo, ang pinakahabog nga bukid sa nasud, sugod Abril 1, 2019.

Suma ni Calbes, “We have a lot of visitors from 17 countries. The 100K race has 99 runners and 56 in the 50K category.”

Mga nasud nga nagrepresenta sa aktibidad nga gisuportahan sa Department of Tourism (DOT)-Davao ug Visit Davao Summer Festival (VDSF) mao ang Scotland, Canada, USA, United Kingdom, Malaysia, Mexico, Switzerland, Singapore, Russia, Japan, Australia, South Africa, Thailand, France, Indonesia, England, ug Philippines.

“It’s my first time to climb Mt. Apo. I did activities at the gym for my heart conditioning. We don’t have mountains so I just made use of what we have there, like 1500-meter height so I just go back there four times. I just want get more experience and to get connected with the jungle, mountain and see the sunrise at 5 a.m.,” suma sa Canadian nga si Jan Ritchie.

Suma niya nagpangita siya sa internet labot Mt. Apo ug nakita niya ang daghang hulagway niini.

Dihang miabot siya duha ka adlaw ang nakalabay gisubay niya kini ug nakita ang kaanyag sa Mt. Apo.

“I was blown away,” niya pa.

Walay cash prizes nga gitagana, apan ni Paner, mga partisipante nag-apas sa Trail Master points.

Ang nag-unang male ug female finishers ipadala sa East Java race.

Ni Paner nga ang Mt. Apo climbers nga migamit sa Sta. Cruz trail miabot og 3,600 sa nakalabay nga tuig ug suma pa tungod kini sa Mt. Apo Sky and Vertical Race.