ANG GMA Network padayong mihakot og pasidungog human mibitbit og upat ka world medals ug finalist certificate sa 2019 New York Festivals “World’s Best TV and Films” awarding ceremonies, Abril 9 sa Las Vegas.
Ang monthly documentary program, The Atom Araullo Specials gihatagan sa Silver World Medal sa Social Issues category subay sa “No Leftovers” episode.
Si Atom mibiyahe pa-Las Vegas uban sila GMA Public Affairs senior AVP ug “No Leftovers” program manager Neil Gumban aron personal nga dawaton ang award.
Sugod Abril 15, si Atom manguna sa GMA News and Public Affairs’ online newscast nga “Stand for Truth”.
Mihakot sab og Silver World Medal ang “Batang Maestro” episode sa GMA News TV’s Reel Time, sa Heroes category.
Midawat sa award alang Reel Time si executive producer and writer Mark Norella.
Ang top-rating ug award-winning news magazine program Kapuso Mo, Jessica Soho (KMJS) midawat sab og Bronze World Medal sa “Salay” alang sa Community Portraits category.
Si KMJS program manager LJ Castel, executive producer Ariane Betita, ug segment producer Justin Baluyot maikagong midawat sa medalya.
Samtang ang I-Witness documentary “Bilanggo ng Isipan” ni Kara David midawat sab og Bronze World Medal sa Health/Medical Information category.
Samtang ang kay Sandra Aguinaldo’s I-Witness documentary, “War Zone ER”, dunay Finalist Certificate sa Current Affairs category.