SINGKUWENTA y dos ka mga nalambigit sa ilegal nga druga ang nadakpan sa rehiyon sa hinugtanay nga usa ka semanang operasyon.
Sa taho nga gisumite ni Police Chief Superintendent Marcelo Morales, regional director, ngadto sa National Headquarters sa Camp Crame, gitug-an niini nga gikan Abril 1 hangtod 7, 2019, 35 ka mga anti-illegal drug operations ang gilusad nga niresulta sa pagkasamkit sa 82 ka sachets sa gituohang shabu uban sa street value nga P29,520.
Apil sa mga nadakpan sila si Quinn Fernandez Estimanda, alyas Kim, 22, molupyo sa B25, L8, Makar, Brgy. Baliok, Talomo, Davao City; Joy Amad Desierto, 29, molupyo sa Phase 1, Batolusa, Brgy. Bangkas Heights, Toril, Davao City; Justine Laguna Duco, 22, molupyo sa Lower Rapnaga, Bago Aplaya, Toril, Davao City; ug Joselindo Alas-as Eranis Jr., 24, molupyo sa Puan, Brgy. Talomo, Davao City.
Mga nahisgutan nadakpan didto sa Makar, Brgy. Baliok Talomo, Davao City niadtong Abril 7.
Samtang mga druga nga nasakmit padayon pang gipailawom sa pagsusi sa Regional Crime Laboratory.
Sumala ni Morales, “We are still on our way towards winning this menace of illegal drugs. Despite our accomplishments and operations, meron pa rin tayong nahuhuli, halos araw araw. We will never rest. If hindi man natin totally ma eradicate ito, at least ma minimize natin at ma feel natin na may pagbabago sa ating lipunan dahil sa pagkakakulong ng mga taong ito.”
Hinuon giklaro sa opisyal sa katawhan sa Davao Region nga ang away batok sa ilegal nga druga nagpabilin nga nag-unang prayoridad sa PRO11 hangtud tanang mga barangay malimpyo na. (WGM)