PATAY ang gitumbok nga High Value Target (HVT) sa Police Station 3 sa Lapu-Lapu City Police Office (LLPO) human kini giingong misukol sa ilang gipahigayong buybust operation sa Zone Litob, Barangay Kalawisan, Lapu-Lapu pasado alas 9:00 gabii sa miaging Miyerkules, Abril 11.
Ang napatay sa operasyon sa kapulisan nailhang si Manuel Paz Baclohan alyas Sungkil 47-anyos nga kasamtangang nagpuyo sa nahisgotang dapit apan lumad nga taga dakbayan sa Mandaue.
Matod ni Police Master Sergeant Joefrey Managase ang desk officer sa Police Station 3 sa LCPO nga si Baclohan subject sa buy-bust gawas sa panimalay niini apan daling nakamatikod nga pulis ang iyang ka transaksyon hinungdan nga gitulod niini ang nagpakaaron-ingnong poseur buyer ug misulod sa iyang panimay.
Giingong human midagan sulod sa panimalay si Baclohan dali kini nga mikuha sa iyang kalibre 45 nga armas de fuego ug dayong pusil sa kapulisan hinungdang napugos ang mga operatiba pagbawos kaniya nga niresulta sa iyang pagkaigo ug pagkamatay.
Gihulagway si Baclohan nga Top 6 sa drug watchlist sa Police Station 3 samtang Top 2 usab sa dakbayan sa Mandaue.
Siya usab ang gitumbok niadto nga mastermind sa pagpatay ni Kapitan Antonio Maquillan sa Brgy. Mantuyong, Mandaue niadtong 2017.
Nakuha sa posisyon ni Baclohan ang moabot sa 4 ka mga medium pack nga gituohang shabu ug usa ka kalibre 45 nga armas de fuego nga may lima ka mga buhing bala.
“Taudtaod na ni siya kay naa man gud ni siya ka live-in nga taga diha (Kalawisan) mao ni siya nga nakapuyo diha.. init na siya sa Mandaue nilihay siya diri.." (GCM)