SECTIONS
Saturday, July 20, 2019
SUPERBALITA CEBU

2 ang persons of interest

ADUNA nay duha ka persons of interest ang kapulisan sa Siyudad sa Sugbo sa pagpamusil sud sa usa ka coffee shop sa dan F. Ramos, Barangay Cogon Ramos, Dakbayan sa Sugbo, alas 11:20 sa gabii niadtong Miyerkules, Abril 10.

Duha ang nangamatay ug duha ang nangaangol.

Gituohan sa kapulisan nga ang bugtong target sa gunman mao ra si John Michael Hermoso, 29, taga Brgy. Apas, Dakbayan sa Sugbo, managing partner sa The Good Cup Coffee shop.

Nangaangin lang sila si Kis Katy Ramos, 21, taga Pardo, tinun-an sa University of the Philippines (UP) Cebu, kasamtangan nga cashier; Sherwin Rivera,23, taga Mambaling; ug Jerome Amada, dining staff.

Si Ramos patay nang niabot sa ospital samtang sila si Rivera ug Amada naa sa tambalanan tungod sa samad.

Matod ni Police Lieutenant Colonel Carlito Apilat, hepe sa City Intelligence Branch sa Cebu City Police Office, di pa nila mabutyag kon kinsa kining maong mga persons of interest.

Duha ka mga anggulo ang ilang gisubay karon: trabaho ug personal nga motibo.

“Naa na tay persons of interest sa pagkakaron pero dili pa nato masulti kon kinsa ni sila kay ongoing pa ang atong imbestigasyon,” matod ni Apilat.

Ang mga persons of interest adunay kapasidad sa pagpusil tungod kay pulos makamao mogamit og armas.

Lakip sa ilang sutaon kon aduna bay hulga nga nadawat si Hermoso.

Maoy target

Si Police Major Eduardo Sanchez, hepe sa Abellana police station, nagkanayon nga duha ang suspek, apan ang gunman ray nikalit og sulod ug namusil.

Sa imbestigasyon, ang gunman niabot sakay sa usa ka motorsiklo mga pasado alas 11 sa gabii. Ang duha nag-full face helmet.

Nikanaug ang gunman ug nipusil kang Rivera, kinsa nigawas na sa coffee shop aron mopauli.

Human makadungog sa buto, nigawas si Ramos aron pagsusi apan gipusil siya sa gunman tumong sa ulo.

Ang gunman nisud sa coffee shop ug nipusil kang Hermoso sa dughan. Iyang gipusil og sunod si Amada.

Sila si Amad ug Rivera nangaigo sa lawas. Matod ni Sanchez nga si Hermoso namatay diha-diha.

Buhi pa si Ramos dihang gidala sa ospital apan namatay sa wa pa moabot sa emergency room.

“Sa pagkakaron wala pa pero karun nanung giapil ang tulo. Kung naa kay kalagot sa usa nganung giapil nila ang tulo,”matod ni Sanchez.

Makigtagbo pa sila sa igsuon ni Hermoso aron makuhaan nila og kasayuran sa personal nga kinabuhi.

Nagtuo si Sanchez nga ang mga suspek adunay kalagot ni Hermoso.

Morepresentar

Molarga unta sa Boston, sa Estados Unidos, sa Huwebes, Abril 11 si Hermoso.

Si Hermoso, 29, mao unta ang morepresentar sa nasod alang sa 2019 World Coffee Championships human siya mao ang gipili isip champion sa Philippine Brewer’s Cup niadtong Marso.

Apan wa magtuo si Bong Abela, usa sa managing partners ni Hermoso sa coffee shop, nga uwahing panihapon na diay nila niadtong Miyerkules sa gabii.

Matod ni Abela, kinsa niluwat sa opisyal nga pamahayag sa maong kompaniya, nga wala sila masayod kon aduna ba’y naglagot kang Hermoso o kaha kon nakadawat kini og death threats.

“A shooter went inside the shop while our team was closing and open fired,” si Abela nagkanayon.

“It is sad that they could no longer continue to pursue their aspirations,” dugang ni Abela.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph