GIPATAPSINGAN sa MacBar ang defending champion R.Queens Trading, 100-96, niadtong Lunes sa gabii sa 5th Alin Cup sa Cebu Port Authority (CPA) gym, North Reclamation Area, dakbayan sa Sugbo.
Sa laing duwa, gipukan sa Central Phils. ang dili preparado nga I&R Logistics, 89-72. Wala kapiog ang R. Queens sa opensa sa MacBar kansang tulo ka mga players ang mipabaha og 20 puntos o kapin.
Si Edwin Estorgio milanit og 22 puntos, midugang og 21 si Christian Castillo ug 20 usab ang natampo ni Ryan “RB3” Barral (20).
Nahimong sikit ang duwa apan uwahi na ang tanan kay didto na mag-igo si ex-Panther Jimboy Filoteo sa nahibiling pipila ka segundos.
Sa laing bahin, sayong gidabo-dabohan sa Central Phils. ang I&R diin mipabuhagay sila’g 15-0.
Naglisod og sukli ng I&R kinsa biya og 20 puntos sa halftime, 48-28. Ang Central Phils. gipangulohan ni Jerry Singson nga may 26 puntos samtang si Chito Lleve maoy nangu sa I&R nga may 16 puntos.
Puntos matag usa
Unang duwa
MacBar (100) - Estorgio 22, Castillo 21, R. Barral 20, Barral 10, Palero 7, Manolong 7, Enolpe 5, Capao 2
R. Queens (96) - Filoteo 34, Abinales 23, I. Alin 12, Vasquez 12, Boyo 6, Clegado 6, Toring 5, Pogonia 2
Ikaduhang duwa
Central Phils. (89) - Singson 26, Baltonado 16, Calo 15, Quiros 13, Castillo 10, Tradio 8, Labrador 6, Nudalo 2, Gastador 2
I&R (72) - Lleve 16, Villomo 13, Laurel 12, Gamao 8, J. Alin 7, Diez 7, Gallano 4, Alin 4. (PR)