SUKAD pa sa sinugdanan
Kauban ko na ikaw sa akong panaw.
Imong kabubut-on ang matuman
Matag huyad sa akong mga lakang.
Atong gisum-ok ang kalibutan
Nga nagtago og kamatuoran.
Atong gitugkad ang giladmon
Paingon sa mga wanang
Sa kahimatngon.
Apan karon sama kanako
Gusto ka nang molunga
Sa mga tinguha.
Sama kanako lapoy nang mga gutlo
Pagbadbad sa mga tanghaga
Nga naglambod og mga kalibog
Niining dili na masabot
Nga panghitabo sa palibot!