Wa mi mag-apas sa reward: Obon

NASAKITAN ang hepe sa Lapu-Lapu City Police Office Police Colonel Limuel Obon sa mga komento sa publiko ug netizens nga niingon nga “scripted” ang pagpatug-an kang Renato Llenes, prime suspek sa pagpatay ni Christine Lee Silawan, 16.

Wa kapugong ang police official sa iyang mga luha kay nasakitan siya sa giingong nag-apas sila sa reward money.

Matod niya nga wa gani silay hapit tulganay aron pagsulbad sa kaso, di tungod kay nag-apas sila sa P2 million nga reward.

Gusto lang unta nila nga modayeg ang publiko sa ilang trabaho. “Basta ang mga tawo maka-appreciate lang sa among trabaho,” sulti ni Obon nga emosyonal.

Apan wa niya igsapayan kon ugaling wa maka-appreciate ang publiko kay labing importante nga ilang masulbad ang kaso.

Nagkauyab sa fb

Samtang si Renato Llenes, nitug-an nga upat ngadto sa unom ka buwan nga sila nagsige og chat ni Christine gamit ang iyang dummy account sa Facebook nga CJ Diaz ug ang profile picture sa usa ka batan-ong lalake.

“Nagka-uyab gyud mi sa FB,” tug-an ni Llenes sa mga tigbalita. Sa Marso 10, nagsabot sila nga mag-eyeball (magkita) sa may simbahan sa Barangay Pajac, Lapu-Lapu diin mag-alagad ang si Christine isip kolektor.

Unang higayon nga sila magkita human sa pila ka buwan nga nag-chat.

Sa maong adlaw, nagpaabot sa gawas sa simbahan si Llenes ug adunay higayon nga nisulod sa ganghaan aron pangitaon si Christine kay siya gilaay og pinaabot kay wa magdala og cellphone ang dalaga.

Paggawas ni Christine sa compound sa simbahan, namay-ungan ni Llenes ang dalaga, kinsa paspas nga nilakaw.

“Oi, dili na man ka managad, arte naman kaayo ka. Ako bitaw ni imong ka-chat,” sangpit ni Llenes ni Christine.

“Hmmp! Tiguwang na man ka,” matod ni Llenes nga maoy tubag ni Christine kaniya.

Aron motuo si Christine kaniya, iyang gipakita ang iyang FB account gamit ang iyang cellular phone nga igo lang siya migamit og peke nga account o fictitious account.

“Sure oi, wa kay klaro,” reaction ni Christine dungan sa pagkusi kang Llenes.

Napatay

Niabot sila sa hawan sa Sityo Mahayahay, Barangay Bankal nga ngitngit.

Nanghunong sila ug nahitabo ang panaglalis kay buot nang molakaw ni Christine kay aduna pa siyay ikakita.

Giangkon ni Llenes nga high siya sa drugs dihang iyang gihagad og sex ang dalaga, apan hugtanong nibalibad kay siya giregla. Bisan pa niini, niinsister siya nga makig-sex hinungdan nga gisagpa siya ni Christine.Dinhi na siya nasuko og maayo.

Una niyang giduslak sa wala nga dughan si Christine ug nausban pa sa ubang bahin sa lawas kay nisukol.

Suwayan pa unta niya og lugos ang dalaga, apan iyang namatikdan nga wa nay umoy.

Inay, iyang gilaplap ang mga kilid sa aping sa batan-on ug sa dihang nawalis ang panit, sayon ra niyang gilaksi.

“Wa na ko kahibawo nadala ba ang dunggan,” dugang ni Llenes.

Dali siyang nibarog, nikuha sa bag ni Christine ug gidala ang panit sa nawong ug gipanglabay sa nagkadaiyang dapit.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph