ORMOC CITY -- Gideklara na usab nga overall champion ang Ormoc City sa Eastern Visayas Regional Athletic Association (Evraa) 2019.
Ang maong sports activity gitapos Biernes sa hapon, Abril 12, diin gipahigayon kini mismo sa Ormoc City.
Base sa medal standing, 162 ka gold medals ang nakuha sa Ormoc, 97 ka silver ug 69 ka bronze.
Sagad sa mga medals gikan sa Secondary category.
Naa sa ikaduhang pwesto ang Leyte Division nga dunay 56 ka gold medals, 37 ka silver ug 40 ka bronze.
Ikatulo ang Samar nga dunay 22 ka gold medals, 29 ka silver ug 35 ka bronze.
Ika upat ang Baybay City nga dunay 21 ka gold, 22 ka silver ug 42 ka bronze.
Ika lima ng Calbayog Samar nga dunay 15 ka gold, 24 ka silver ug 33 ka bronze.
Ika unom ang Biliran nga dunay 14 ka gold, 19 ka silver ug 20 ka bronze.
Ika pito ang Maasin City nga dunay 13 ka gold, 37 ka silver ug 23 ka bronze.
Ika walo ang Tacloban nga dunay 13 ka gold, 23 ka silver ug 36 ka bronze.
Ika siyam ang Eastern Samar nga dunay 12 ka gold, 23 ka silver ug 35 ka bronze.
Ika napulo sa pwesto ang Northern Samar nga dunay 9 ka gold, 20 ka silver ug 45 ka bronze.
Ika onse ang Southern Leyte nga dunay 8 ka gold, 11 ka silver ug 28 ka bronze.
Samtang ika dose ang Borongan City nga dunay 5 ka gold, 7 ka silver ug 11 ka bronze.
Pinakaulahi sa pwesto ang Catbalogan Samar nga dunay 2 ka gold medal, 7 ka silver ug 14 ka bronze.
Sa miaging tuig, kampyeon gihapon ang Ormoc City sa Evraa.