MGA campus writers sa nasud ipailawom sa training labot sports journalism subay sa pagsugod sa Philippine Sports Commission (PSC) sa ilang “Sports Journalism for the Youth” seminar sa Davao Christian High School, Davao City, Abril 24 ngadto 26 dungan sab sa 2019 Palarong Pambansa.
Halos 200 ka student journalists mosalmot sa three-day workshop nga magpokus sa “sports journalism fundamentals, responsible sharing of information and social media ethics.”
Sila PSC chairman William Ramirez, PSC commissioners Celia Kiram ug Charles Maxey ug Department of Education (DepEd) Undersecretary Revsee Escobedo motambong sa opening ceremonies, Abril 24.
“The PSC is continuing its Sports Journalism seminar which was launched in February last year, to partner with our young journalists in spreading ethical and responsible journalism, and ultimately promote positivity in sports,” ni Ramirez.
Ang seminar nga usa ka adlaw una ang pagbukas sa Palarong Pambansa, nga himuon sab sa Davao City, “we are driven to support not only our athletes, but also our future media practitioners in the field of sports,” dugang ni Ramirez.
Ang beteranong journalist ug Sun Star Davao editor Marianne Saberon-Abalayan mohatag og lecture sa sports news writing, Ripples Daily Editor Randy Caluag ug journalism professors Ed Fernandez ug Dr. Gemima Valderrama mohatag sab og lecture.
Si DepEd assistant secretary G.H.S. Ambat ug Publications Division Admin Officer Janssen Cabrera mohatag sab sa ilang opinyon sa editorial direction ug social media presence sa DepEd. (PR)