SECTIONS
Monday, August 19, 2019
SUPERBALITA DAVAO

Talento: Karoshi (Una sa duha ka mga gula)

Panglantaw

Maayong adlaw!

CONDOLENCE sa pamilya ni Madam Zenaida Capillanes, magtutudlo sa Panabo National High School nga ningpanaw bag-ohay pa lamang. Ang grasya, gugma, kaluoy ug kusog sa Ginoo ang magkupot sa pamilya Capillanes sa ilang kasakit nga giagian karon.

Tungod nagkadaghan ang akong mga higalang Hapon (Japanese), nahimo akong interesado sa pagtuon sa ilang kultura’g kinaiya.

Nalakbitan nato’g hisgot kaniadto ang mga Hikikomori o mga Hapon nga nagkulong lamang sud sa ilang mga balay tungod sa isyung sikolohikal, emosyonal ug mental nga seryusong problema sa ilang nasud.

Karong adlawa, “Karoshi” o “work induced death” ang atong chicka. Kana god mamatay sa sobrang pagpanarbaho. Ang dokumentaryo ni Allegra Pacheco nagpakita sa mga Hapon nga nangatulog sa kadalanan. Hago man god kaayo ilang kalawasan kay sige’g overtime mao sa dalan makatulog. Ang uban moagi’g inom aron maghapihapi apan dili na kaya sa ilang lawas nga makauli’g balay, mare.

Sa pagtuon, sobra singkuwenta porsiyento sa mga Hapon ang naga-overtime og saysenta ka oras matag-semana. Kasagaran sa ilang gitrabahoan nga oras –wala pa gayud bayad. Kultura man kuno sa ilaha nga dili mouna og uli bisan human na ang oras sa pagpanarbaho ilabi na kung anaa pa sa opisina ang boss nila, migo- giatay!

Ang pagpabilin sa opisina ug pagtrabaho’g sobra - pamaagi sa pakisama aron mamentina ang maayong relasyon sa ilang katrabaho, higala- ngiyaaaah!

Sa datos, usa sa matag lima ka trabahanteng hapon ang nasobrahan og panarbaho. Ang maong kultura sa tumang kakugi nagsugod niadtong World War II sa katuyuang ibangon ang ilang ekonomiya.

Tuod man, gikan sa 1960- nahimong ikaduha sa pinakakusog nga ekonomiya sa kalibutan ang Japan pagtungtong sa 1990.

Padayon ta sunod Sabado, higala kay hurot na ang espasyo nato dinhi, ha ha!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph