Lalaki namatay sa gugma

(Hulagway gikan sa Google.com nga maoy presentasyon sa istorya)
(Hulagway gikan sa Google.com nga maoy presentasyon sa istorya)

NAPAMATUD-AN sa sikat nga kantang “Too Much Love Will Kill You” ang gidangatan sa usa ka ulitawo kinsa naghikog sud sa ilang panimalay sa Barangay Bago Aplaya, Talomo District, dakbayan sa Davao.

Patay na nga nagbitay ang usa ka Jonel (bansagon gitago), 23-anyos, residente sa dapit, gamit ang pisi nga gihigot sa liog ug gibaat sa busaog sa kisami.

Ang inahan nga si Nene ang mismo nga nakakita sa iyang anak nga nagbitay kinsa daling nangayo og pakitabang sa mga silingan aron dalhon sa ospital ang biktima, apan gideklara sa mga miresponde nga mga medical team nga patay na kini.

Saysay sa inahan sa biktima nga iyang nakita nga subo kaayo ang iyang anak sa mga nakalabay nga adlaw.

Didto nasayran sa kabanay ug mga higala nga nasubo pag-ayo ang biktima ug hilabihan ang pagselos niini gumikan daghan og nanguyab sa iyang girlfriend.

Gipailawom na sa otopsiya ang patay nga lawas sa biktima aron masuta sa otoridad kung duna ba’y foul play ang kamatayon niini. (RFN)

Sa mga naay suicidal tendencies o kung gusto lang mo og naay kaistorya, tawag sa Tawag Paglaum- Centro Bisaya sa mga telephone numbers: 0939-937-5433 / 0939-936-5433 / 0927-654-1629.

Ang Tawag Paglaum Centro Bisaya usa ka 24/7 call-based hotline para sa suicide prevention ug emotional crisis intervention nga gitukod sa Cebu.


Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph