KARONG adlawa na ang pag-obserbar sa Semana Santa kon hain ang katawhang Romanong Katoliko magkahiusa sa pag-obserbar niini ug ang ilang pagpenetensya ug paghandom ipaagi sa mga nagkalain-laing panata ug pagtoo.
Kung ang pipila mas pilion ang mag station of the cross sa mga lagyong lugar sama sa pagtabok sa Camiguin Island, pagsaka sa Sipaka Heights sa lungsod sa Talisayan, pagsaka sa Malasag Garden dinha sa Cagayan de Oro ug pagbisita sa nagkadaiyang pilgrimage site sa lalawigan.
Daghan sa Romanong katoliko ang mas gipili nga magpahigayon og Visita Iglesia kon pagbisita sa pito ngadto 14 ka Simbahan Katoliko nga sagad mahitabo sa Huwebes Santo sa gabii.
Atong sayrun gikan kang Reverend Father Der John F. Faborada kinsa kura paruko sa Jesus Nazareno Parish kung unsa gyud kining Visita Iglesia?
“Ang Visita Iglesia nag- originate ni siya niadtong 16th century nga movisit ka og 7 churches ngadto 14 churches. It is only practice here sa Pilipinas. Kini siya usa sa panata sa katolikong Pilipino so mao ni mobisita sila sa 7 churches bali pasabot ani mao ni ang 7 wounds of Jesus ug 14 ka stations of the cross,” matud ni Father Faborada.
“Ang uban pod 7 churches kay 7 last words ug kini pamalandong sa nagkadaiyang mga simbahan in front of the repository sa blessed sacrament of repose every Maundy Thursday na himoun ning tradisyon nato sa mga Pilipino,” dugang niini, ug miingon nga walay gipili nga simbahan aron magpahigayon og Visita Iglesia ug magdepende kini sa sa katawhan kon asa ang mas doul ug dali alang kanila nga simbahan.
Ang importante lamang nga sinsero ang pag-obserbar niini ug kinasing kasing ang reflection sa mga pag-antos sa labawng makagagahum nga si Ginoog Hesus kinsa nagsakripisyo sa iyang kaugalingon alang sa atong kaluwasan. Wala usab gasundon nga pag-ampo.
“Walay pili sa simbahan as long as naa didto vigil sa blessed sacrament. There is no formula sa dapat i-ampo it’s a personal reflection nga people will go there nga himuong sacred ug perfect time of reflection paghandom sa sufferings ni Jesus paghatag sa iyang kaugalingon alang sa atong kaluwasan. Ingon ana ang pamalandong nato depende na but walay gina-follow nga prayers,” pasabot niini.
Magsugod gyod ang Visita Iglesia sa Huwebes Santo sa gabii kon hain anaa ang blessed sacrament sa iyang repository ug kutob lang kini sa alas 12 sa gabii. Apan adunay pipila nga mas pilion nga sa Biyernes Santo ug Sabado Santo.