SECTIONS
Sunday, May 19, 2019
SUPERBALITA CAGAYAN DE ORO

‘Illegal recruiter’ sikop sa Oro

GIPAMUGOS sa usa ka babaye nga igo lamang nagdala og mga aplikante sa recruitment agency ug wala kini kalabotan human nga nasikop sa entrapment operation nga gipahigayon sa Cagayan de Oro City Police Office (Cocpo) niadtong Abril 12 sa hapon sa dalan Yacapin, dakbayan sa Cagayan de Oro.

Nasikop si Maricel Jorigue, 34, taga Barangay Lanise, Claveria, Misamis Oriental human gireklamo sa unom ka mga tawo nga pulos residente sa maong dapit.

Gibutyag ni Kathleen Kate Sorilla, Public Employment Services Office (Peso) manager, nga tulo ka mga agency ang gidala ni Jorigue diin usa niini dunay branch dinhi sa dakbayan apan wala kini mapresenta nga opisyal nga identipikasyon dihang gipangayoan sa Peso.

Gidugang ni Sorilla nga sa ilang pagtawag sa tulo ka mga recruitment agency, gihimakak nga konektado si Jorigue sa ilang ahensiya.

Dunay mga nidangop sa Peso ug nangutana kong dunay pagpang-recruit sa household services sa Kuwait, Saudi ug uban pang nasud.

“Kani iya naman ning gi-harass og text nga kung dili ipadayon og Apple, iya daw ipa council, ipatawag daw siya sa barangay,” butyag usab ni Joanne Faye Galarrita, branch manager sa BS International Services and Placement Agency, Inc.

Matud ni Galarrita nga dili mamahimong magdala og daghan nga agency ang usa ka recruiter.

Samtang sa iyang bahin, gibutyag ni Jorigue nga igo lamang siya nagtabang sa ahensiya ug nagdala sa mga aplikante.

Gibutyag niini nga anaa na sa 15 ka mga tawo ang iyang nadala ug kung makagawas na sa nasud, duna siya’y P5 mil nga madawat apan sa pagka-karon, wala pa siya’y nakwarta kay na-pending tungod sa eleksyon.

“Referral lang man ko dili man ko agent, nitabang lang man ko sa agency. Ang agent nagsugo sa akoa so natingala ko nganong giposasan ako dili man ni akong sala, dapat sila dili ako, ang naka illegal kay nagdala ko og mga tawo,” matud niini.

Nagpahimangno ang Peso nga dili magpa-ilad sa mga ilegal nga recruiter gumikan kay ang legal nga recruitment diha sa buhatan sa Peso o sa Philippine Overseas Employment Administration ug kung ugaling sa hotel mahitabo kinahanglan nga dunay special recruitment authority ug presensiya sa Peso.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!