BLANGKO pa ang Toril Police Station sa matumbok nga suspek sa pagpusil-patay sa tigpa-utang og kuwarta ug ang kolektor niini.
Dead on the spot niadtong Biyernes, Abril 12, si John Karl Averilla, 23, kolektor sa agalon niini nga si Ricky Robel, kinsa gipusil sab sa wala mailhing mamumuno ulahing semana sa bulan sa Marso ning tuig.
Sa inisyal nga imbestigasyon sa kapulisan sa Toril PNP, wala nila giwala ang anggulo nga posibleng personal nga bangi ang hinungdan sa insidente.
Hustisya karon ang gisinggit sa mga kabanay sa mga biktima ug giingong wala nahilakip sa drug watchlist ang mga nahisgutan.
Sa kasamtangan, ang kapulisan sa Toril PNP padayong naghimo og imbestigasyon sa hitabo. (Richy F. Nalagon)