Lolo patay sa sunog sa San Isidro

(Photo courtesy of Google Maps)
(Photo courtesy of Google Maps)

SAN ISIDRO, Leyte- Napaig ang usa ka lolo sa nahitabong sunog sa Sitio Ruiz, Barangay Bunacan, lungsod sa San Isidro sa Leyte.

Ang insidente nahitabo alas 5:30 sa hapon, Biyernes, Abril 12. Giila ang namatay nga si Diosdado Luceño, 83 anyos, biyudo ug nagpuyo sa maong lugar.

Ang namatay mao ra usab ang tag-iya sa balay nga nasunog.

Sa inisyal nga imbestigasyon sa Bureau of Fire Protection (BFP), nagsugod ang kayo sa makeshift kitchen sa balay sa biktima.

Giingong naa kini giluto apan nabiyaan hinungdan sa pag-ulbo sa kayo.

Wa makagawas ang biktima hinungdan nga gilamoy kini sa kayo sud sa panimalay.

Nagbilin og P10,000 nga danyos ang maong sunog ug gideklara nga fire out alas 5:51 sa hapon sa samang adlaw. (JKDP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph