Duwa karon : Abril 14, 2019
6:30 pm. Rain or Shine vs. Magnolia
ANG pagpabukad sa ilang bintaha maoy naumol karon sa alimpatakan sa Rain or Shine Elasto Painters sa Game 2 sa best-of-seven semifinals series batok sa Magnolia Pambansang Manok sa PBA Philippine Cup sa Smart Araneta Coliseum.
Ang Elasto Painters ni coach Caloy Garcia maoy nakauna pagsakmit sa Game One, Biyernes sa gabii, 84-77, sa usa ka physical nga panag-engkuwentro.
Hinuon, si Ian Sanggalan, power-forward sa Magnolia, masaligon nga makabawos sila karong gabii.
Iyang giangkon nga dako kaayo ang ilang kompiyansa batok sa Painters kinsa ilang napukan og kalima kahigayon sa uwahing unom nila ka duwa.
“Medyo hindi namin narespeto yung iba. Good thing mahaba ang series na ‘to, pwede kaming makabawi,” pangangkon ni Sanggalang. Feeling ko nabigla kami dun sa ginawa nila, di kami ready.”
Napapas man tuod sa Magnolia ang diyes puntos nga labaw sa Elasto Painters apan kaduha usab ka higayon nga nausikan nila ang ilang otso puntos nga bintaha sa dihang nagkumboya sila si Javee Mocon, Rey Nambatac, Beau Belga ug Gabe Norwood sa second half.
Si Mocon ug Nambatac naghugpong og 15 puntos sa maong rally nga naghatag sa Rain or Shine og labaw.
“Good thing mahaba ang series na ‘to, pwede kaming makabawi,” panapos ni Sanggalang.
Mga puntos:
Rain or Shine (84) - Mocon 15, Norwood 13, Belga 12, Daquioag 10, Rosales 9, Yap 8, Nambatac 7, Borboran 6, Ponefrada 2, Torres 2
Magnolia (77) - Lee 15, Sangalang 13, Barroca 12, Jalalon 11, Reavis 9, Melton 7, Ramos 4, Brondial 4, Dela Rosa 2, Simon 0, Herndon 0. Quarters: 19-16, 33-37, 61-58, 84-77. JBM