MILALA na gyud pag-ayo ang sitwasyon karon sa gikabangi-ang utlanan sa atong nasud ug China ang west Philippine sea, wala kita magdahom sa pagpakigsuod sa China sa ato, ila na diay'ng gianam-anam pagkaon ang atong utlanan.
Diretsong pangutana, may mahimo ba kita? Diretsong tuba wala, kay kung ari kita sa diplomatikanhong pamaagi, midaug na kita sa United Nations Convention on the Law of the Sea (UNCLOS) panahon pa kini ni kanhi Presidente Benigno Aquino, apan wala kini girespito sa China.
Unsay solusyon giyera? Dili, kay wala kita’y dag-anan kung puwersa ang hisgutan; karon daghan ang natingala kung nganong naa ang presensiya sa puwersa militar sa America sa gikabangi-ang utlanan?
Ang tubag, magpatabang kita ug sa dili, motabang gyud ang America kay hangtud karon kaalyado pa gihapon kita nila, busa mosugot kita’g sa dili, moplastar gyud sila diha.
Ang ako lang gikataw-an, kining kandidato sa dilawan, ang Otso-Diretso ilang gigamit ang isyu karon sa politika ug gi-ataki pag-ayo si Presidente Rodrigo Duterte sa iyang pagpakig-suod sa China.
Karon balikan ta ang nangagi, kang kinsa man nga administrasyon nga milala? Kining isyuha? Kang Duterte ba? Dili. Kang P-Noy.
Kung nahimudom mo, nagbuhat og daghang artificial Island ang China diha sa gikabangi-ang utlanan, diin gikuha ang yuta? Sa Probinsiya sa Zambales gibaligya ang maong material ni governor Hermogenes Ebdane.
Karon, mura ta og buang? Argabyado ta sa ilang pag-ukopar sa atong teritoryo, unya gitugtan nato nga magmugna pa sila og daghang Isla? Nakabadlong ba niini si kanhi Presidente Aquino?
Karon hukman dayon nato ang administrasyong Duterte kung ngano nga na-ingon ini ang dagan karon sa west Philippine Sea?
Gisunod lang sa atong presidente kining problemaha gikan pa kang kanhi Presidente Fidel Ramos hangtud na kang P-Noy.
Dili pa nato diha-diha husgahan ang administrasyong Duterte, pero nakaseguro ta nga dili siya gustog kagubot, hinuon, dawaton nato ang dunot nga sistema sa atong politika diin dunay mangdaut, mangatake, aron maoy mogawas nga limpyo pero, unsa man kunoy nahimo ug gikatampo niining nagpunay og saway?
Gi-angkon na ni PRRD nga di siya "STATESMAN" di siya disente manulti, naa na diha ang “putang....! Papatayin kita. Pero matingla ka, kini ra’y presidente nga di statesman, pero suportado sa katawhan, kanunay taas ang ratings.
Sa ato pa, ibang klase na ang gipangita sa katawhan karong panahona, kanang tawo nga walay gitagoan, dili plastikan ug kini ilang nakita kang PRRD.
Puwede nga magbinugoy, puwede magbinastos, pwede sab magdinisinte, depende sa klase sa tawo nga iyang giatubang. Tingali ang pinakalabing importante nato, kung unsay dakong kausaban ug nahimo sa administrasyon ni Digong karong panahona.