NAKURAT ang dul-an 60 ka mga motorized banca operators nga nagbiyahean gikan Davao City padung sa Island Garden City of Samal (Igacos) human mikaransa ang City Government of Davao kay na-monitor nga kadaghanan kanila walay mga Mayor's permit.
Gilayong mipagula og order ang City Mayor's Office sa Davao City ngadto sa Business Bureau ug gimandoan ang Philippine Coast Guard (PCG-Davao) nga ipahunong ang biyahe sa mga motorized banca kung walay mga permit.
Abril 12 daw nahunong ang kalibutan sa mga operators ug gilayon silang mipakita sa ilang mga permit, apan pipila lamang, hinungdan nga gikan Biyernes daghan ang wala nakabiyahe.
Segun ni PCG-Davao, station commander George Maganto nga di gyod nila tugtan nga makalawig sa kadagatan kung walay permit, butang nga ilang gi-monitor ang unom ka boat liners ug 49 ka chartered boats.
Subay sa City Ordinance 0231-14 kon "The Ordinance Amending the Tourism Code of Davao" dapat mukuha og Mayor’s permit sa Business Bureau ug lisensya sa City Tourism Operations Office ang mga tourist water transport vehicles.
Gibutyag ni Neil Michael Galaura, ang Licensing Officer sa Business Bureau nga duna sila'y na-monitor nga 25 ka mga chartered boat operators nga walay permit.
“The mayor, - Mayor Sara Duterte, even promised them that they will not be paying business tax since they already have permits from MARINA. They just have to pay the mayor’s permit, regulatory fees, and other minimal fees,” ingon ni Galaura.
Dugang sa opisyal, “Since they pick up passengers here for their island hopping, they also need to pay our regulatory fees.”
Holy week na sugod ugmang adlaw, daghan og mga tawo ang motabok sa maong Isla, sayang ang panguwarta ning mga motorzied banca kung wala gayod sila'y Mayor's permit, kay di man gyod sila kabiyahe.
Sa laktud ngari, motuman lang gyod unta sa balaud kining mga banca operators ug dili magpasulabi sa ilang dinagko nga kita; kalimtan nalang ang ilang obligasyon sa buhis.
Kausa lang man unta ning bayad ug pagkuha aning permit sa usa ka tuig, itandi sa ilang inadlaw nga operasyon nga hastang dakoa sa kita.
Dali lang kini masulbad, ang pagbayad sa obligasyon aron di mahunong ang operasyon sa negusyo.