GISUGDAN sa back-to-back champion Golden State Warriors ang ilang kampanya sa National Basketball Association (NBA) 2019 Playoffs pinaagi sa paglampornas sa Los Angeles Clippers, 121-104, sa ilang 1st round series Game 1 sa Oracle Arena sa Oakland.
Ang kanhi two-time MVP nga si Stephen Curry nagpakatap og 38 puntos lakip na niini ang walo ka three-point shots aron pangulohan ang kadaugan.
Mainiton kining maong kombati hilabi na ang panagbikil nila ni Warriors forward Kevin Durant ug Clippers guard Patrick Beverly nga parehong nanga-ejected sa duwa.
Grabe ang pinisikalay tali nila ni Durant ug Beverly hangtod nga adunay higayon nga natumba si Beverly dihang nadasmagan kini ni Durant sa nahabiling 4:41 minutos.
Human niini, daw paingon nga magsukmagay ang duha ka mga magduduwa hinungdan nga natawagan sila og double-technical foul ug parehong nanga-ejected.
“You know what he’s going to bring to the table, just the physicality, mucking up the game a little bit with his physicality, his talking, everything. That’s what he brings to each team he plays on. That’s his identity,” matod ni Durant.
“For me, I know that coming into the series. I thought it was fun tonight.”
Si Beverly mireklamo sa desisyon sa referee.
“I got pushed, I got up and I got ejected. I guess the refs, I guess he saw something that I don’t know. But that’s all right. I give them a lot of credit,” matod ni Beverly.
Nagkanayon si Warriors coach Steve Kerr nga nasulod sila sa laang hilabi na sa Durant sa iyang pagpakigpaprang kang Beverly ug maayo na lang kontrolado na nila ang duwa sa pagka-ejected ni Durant.
Ning sangkaa, nabuak ni Curry ang rekord ni Ray Allen nga 385 ka three-point shots sa kasaysayan sa playoffs. Si Curry nakaabot na og 386 ug padayon pa ang kuwenta.
“To be in the same category and to pass a guy like Ray Allen and all the iconic moments he’s had in playoff games and finals games, it’s pretty surreal,” asoy ni Curry. “Definitely honored and grateful for those opportunities. I always joked, if I shoot a lot of 3s I better make a lot of them.”
Si Durant mibiya sa duwa nga nagbilin og 23 puntos samtang niamot og 17 puntos si Draymond Green.
Ang Clippers gipangulohan ni Montrezl Harrell pinaagi sa iyang 26 puntos samtang nihatag og 25 puntos si Lou Williams.
Sa laing mga parisan sa 1st round series, gipangbuntog sa Brooklyn Nets ang host Philadelphia 76ers, 111-102, gipangpukan sa Orlando Magic ang Tolonto Raptors, 104-101, samtang nakaipsot ang San Antonio Spurs batok sa Denver Nuggets, 101-96. (AP, ESL)