SECTIONS
Saturday, May 25, 2019
SUPERBALITA DAVAO

Cafgu mi-sideline og shabu, sikpaw

PIKIT, North Cotabato -- Usa ka sakop sa Citizen Armed Forces Geographical Unit (CAFGU) ang nadakpan sa otoridad alas 4:00 sa hapon niadtong adlaw nga Sabado didto sa probinsiya sa Cotabato.

Giila ang suspek nga si Jhien Sumapal, 45-anyos, minyo ug sakop sa Cafgu ubos sa 38th Infantry Battalion (IB) Philippine Army.

Gibutyag ni Police Lieutenant Colonel Bernard Tayong ang tigpamaba sa Cotabato Police Provincial Office nga nagpahigayon og anti-drug operation ang mga sakop sa Philippine Drug Enforcement Agency (PDEA)-Soccsksargen ug kapulisan sa Pikit North Cotabato.

Sa diha nga gitunol na sa suspek ang shabu ngadto sa nagtakuban nga sakop sa PDEA-Soccsksargen, didto na siya gidakop.

Nakuha gikan sa posisyon ni Sumapal ang shabu nga nagkantidad og P340 mil, mga personal nga gamit ug motorsiklo.

Gikanayon ni Major Mautin Pangandigan, hepe sa Pikit PNP nga dugay na nila nga gipanid-an ang suspek ug nakig-alayon dayon sila sa PDEA-12 hinungdan nga nadakpan dayon siya.

Sa kasamtangan gibalhog na ang suspek sa prisohan ug gitakda nga pasakaan og kaso sa kalapasan sa Republic Act 9165 kon Comprehensive Dangerous Drugs Act of 2002. (EEF)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!