SECTIONS
Saturday, May 25, 2019
SUPERBALITA CEBU

Semana Santa di bakasyon: Palma

DOMINGGO SA LUKAY: Si Cebu Archbishop Jose Palma maoy nangulo sa misa alang sa Dominggo sa Lukay sa Cebu Metropolitan Cathedral sa dakbayan sa Sugbo kagahapon sa buntag, Abril 14. Estorya naa sa pahina 3. (Amper Campaña)

INAY hunahunaon ang pagbakasyon, si Cebu Archbishop Jose Palma nihangyo sa Katolikong mga matuohon nga himuon ang Semana Santa nga panahon sa pagpaduol sa sakramento sa pagpangumpisal.

Ang arsobispo nipahinumdom sa mga tawo nga ang Semana Santa dili bakasyon, kondili panahon sa pag-ampo, pamalandong, ug pagbukas sa kasingkasing sa mga selebrasyong makapahinumdom niini sa dakong gugma sa Diyos.

Sa iyang wali sa Dominggo sa lukay, Abril 14, sa Cebu Metropolitan Cathedral, dakbayan sa Sugbo, matod ni Palma, sa pamalandong unta mahunahunaan sa mga tawo nga tungod sa dakong gugma ni Kristo, gihatag Niini ang Iyang kinabuhi alang sa kaluwasan sa tanan ug basulan ang nahimo nga mga sala.

Siya niawhag sa mga tawo nga mobalik sa Diyos uban sa dakong kalipay uban sa gugma Niini nga maoy mobukas sa kasingkasing ug maghatag og solusyon sa mga problema ug kahulogan sa ilang mga sakripisyo.

“Ang kinabuhi ni Kristo maoy nagdala og bag-ong paglaom. Ang kamatayon ug pagkabanhaw ni Kristo maoy magdala og bag-ong kusog ug ang saad Siya uban kanato sa tanang panahon ug kon kita uban kaniya sa atong pagbanhaw bisan pa man sa tanang hitabo. Sayod ta ang Iyang gugam, ang Iyang grasya uban kanato hangtod sa kadaugan sa pagkabanhaw,” pagpasabot ni Palma sa iyang wali.

Siya niawhag sa Katolikong matuohon nga moapil sa mga kalihokan sa mga simbahan atol sa Semana Santa ug gamiton nga oportunidad sa pagpanaw uban kang Kristo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!