SECTIONS
Tuesday, July 23, 2019
SUPERBALITA CAGAYAN DE ORO

Viral video sa RTA ug driver pa-imbestigahan

PA-IMBESTIGAHAN sa lokal nga kagamhanan sa siyudad sa Cagayan de Oro ang nahitabong insidente sa kadalanan diin gipahunong sa enforcer ang ambulansiya nga dunay pasyente sa C. M Recto-Osmeña junction, ning siyudad, niadtong Sabado, Abril 13.

Nagpatala sa Police Station 3 sa Agora si Alvin Carlos, 44, taga Barangay 22, ning siyudad, ug drayber sa ambulansiya sa usa ka pribadong ospital, nga gipahunong sa Road and Traffic Enforcer (RTA) nga si Lee Bersano, usa ka Job Order.

Nag-viral ang post sa usa ka Ardy Cabuena, anak sa pasyente nga anaa sa ambulansiya, diin duna nay mokabat usa ka milyon views ug liboan ka mga nag-share sa pagsulat niini nga balita.

Sa maong video makitang nagkomprontahay ang traffic enforcer ug ang drayber sa ambulansiya.

Sa post ni Cabuena sa Facebook iyang gisaysay nga nakurat nalang sila sa dihang nihunong ang ambulansya kay gihapak sa Traffic Enforcer, gani nagsinggit pa og “pagdali na sir be kay emergency” gumikan kay tabangunon ang pasyente nga anaa sa maong ambulansiya ug gani nakabsan kini sa hinulamang kinabuhi sulod sa pipila ka oras sa ospital.

Nagpagawas usab og pahayag si Cagayan de Oro Mayor Oscar Moreno pinaagi na usab sa City Information Officer nga si Maricel Casiño-Rivera, diin nibutyag kini nga pa-imbestigahan ang maong insidente ug paabuton ang resulta alang sa tukmang aksiyon.

“At this stage, it is too early to clear or condemn anyone. Let us wait for the result of a proper and impartial investigation,” sa pahayag nga gipadala ni Rivera.

Nagpasalig usab ang tinugyanan sa RTA nga dili nila konsintehon kung nakasala man ang miyembro niini ug nagpasalig nga walay mahitabong “whitewash” o pagtabon kung sayop ug angayang atubangon ang silot kung ugaling mapamatud-an nga saypan kini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph