SECTIONS
Monday, April 22, 2019
SUPERBALITA CEBU

Traffic na sab sa south

TULO ngadto sa upat ka oras ang kahuot sa dagan sa trapiko nga masinati sa mga sakyanan nga mobiyahe paingon sa habagatang Sugbo karong Biyernes Santo, Abril 19, ug Dominggo sa Pagkabanhaw, Abril 21 tungod sa duha ka dagkong mga kalihokan sa mga lungsod sa San Fernando ug Minglanilla.

Si Jonathan Tumulak, focal person on traffic management sa Kapitolyo, niingon nga karong Biyernes Santo himuon sa San Fernando ang dakong prosesyon sa San Isidro Labrador Parish nga magsugod sa alas 6 sa gabii, human sa misa, diin maapektuhan ang mga dan sa national highway.

Samtang, sa Dominggo sa Pagkabanhaw, ipahigayon usab sa Minglanilla ang Kabanhawan Festival nga salmotan sa 10 ka contingents gikan sa lainlaing mga tunghaan ug barangay.

Si Tumulak nihangyo sa publiko nga kon way mahinungdanon nga lakaw o kon kinahanglan gyud mobiyahe, mogikan og sayo aron di matanggong sa trapik.

Matod niya, sa prosesyon sa San Fernando, ang tanang mga imahen sa simbahan kay ipagawas, isud og karo ug iprosesyon sa nasudnong highway.

Ang maapektuhan nga dan sa prosesyon mao ang dan sa highway, dan sa pirmerong eskina sa dili pa ang North Central School ug ang dan sa eskina kilid sa simbahan.

“So, ang mahitabo karon, kon kinsa toy nakakita niadtong miaging fiesta sa San Fernando? Katong gidaghanon sa mga tawo nga niapil ato nga prosesyon, ato nga pagpiyesta, pil-on katulo karong Biyernes (Santo),” dugang ni Tumulak, base sa pagbanabana sa kaparian sa simbahan.

Siya nipasabot nga naandan na kini nga gimbuhaton sa lungsod hinungdan nga nangayo siya og pagsabot sa publiko ug nihangyo nga mogikan og sayo aron di maabtan sa pagsugod sa prosesyon.

Dunay diversion road ang San Fernando, apan sigon ni Tumulak di makaagi niini ang dagkong mga bus, hinungdan nga matanggong lang gihapon kini sa dan. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!